وه‌زیری ناوخۆی هه‌رێم و وه‌زیری كۆچی عێراق ره‌وشی په‌نابه‌رانی رۆژئاوایان تاوتوێ كرد
له هه‌ولێر كه‌ریم سنجاری وه‌زیری ناوخۆی هه‌رێمی كوردستان پێشوازی كرد له دیندار نه‌جمان دۆسكی وه‌زیری كۆچ و كۆچبه‌رانی عێراق، له كۆبوونه‌وه‌یه‌كدا ره‌وشی سوریا به گشتی و هاتنی كوردانی رۆژئاوا بۆ هه‌رێمی كوردستان به تایبه‌تی باسیان لێوه‌كرا.
وه‌زیرێ كۆچ و كۆچبه‌ران یێ ئیراقا فه‌ده‌رال راگهاند مه‌ره‌م ژ ڤێ سه‌ره‌دانێ دانینا مه‌كانیزما گهاندنا ئالیكاری یا حوكوومه‌تا فه‌ده‌راله كو پازده ملیار دینارێن ئیراقیه و تیمه‌كه تایبه‌ت ژی ژبۆ ڤێ یه‌كێ ژ به‌غدایێ هاتیه و سه‌ری ل ئاواره‌یێن رۆژاڤایێ كوردستانێ ل دهۆك، هه‌ولێر و سلێمانیێ دایه ـ ژبال خوه‌ڤه وه‌زیرێ نافخۆ یێ حوكوومه‌تا هه‌رێما كوردستانێ سوپاسی یا هه‌لویستا هوكوومه‌تا فه‌ده‌رال كر و راگهاند هه‌ژمارا په‌نابه‌رێن سووریایێ ل هه‌رێما كوردستانێ نێزیكی 200 هه‌زار په‌نابه‌رانه و رۆژ ژبۆ رۆژێ به‌ر ب زێده‌بوونێڤه نه، لۆما ته‌ڤی ئه‌و ئالیكاری یێن حوكوومه‌تا هه‌رێمێ پێشكێش دكه كو یا هه‌ری دیار دیاركرنا 25 ملیۆن دۆلارانه و هه‌لویستێ جامێرانه یێ خه‌لكێ كوردستانێ ژی حوكوومه‌تا هه‌رێمێ پێشوازیێ ل هه‌ر ئالیكاریه‌كێ ژبۆ وان په‌نابه‌ران دكه ـ بریار ژی هاته گرتن هه‌فتی یا تێ تیمه‌كه ته‌كنیكی یێ تابه‌تمه‌ند ژ به‌غدایێ بێ و ب هه‌ماهه‌نگی دگه‌ل هه‌رسێ پارێزگاران یێ هه‌ولێر، دهۆك و سلێمانیێ ڤان ئالیكاریان بگهینن ئاواره‌یان .
