بریكارێ وەزیری كوچ وكوچبەرێن عیراقێ سەرا كەمپا دومیز كر
دهوك-KDP.info/ به‌هزاد علی ئاده‌م جێگرێ پارێزگه‌رێ دهوكێ پێشوازیا ئه‌صغه‌ر عبدالرزاق ئه‌لموسه‌وی بریكارێ وه‌زاره‌تا كوچ وكوچبه‌ران ل عیراقا فیدرال وشاندێ دگه‌لدا كر.
دكومبونه‌كێدا ب ئاماده‌بونا رێڤه‌به‌رێ سه‌نته‌رێ گه‌شه‌پێدانێ ل پارێزگه‌هێ ورێڤه‌به‌رێ كه‌مپا دومیز یا په‌نابه‌ران به‌حسێ ره‌وشا په‌نابه‌رێن سوری ل كه‌مپا دومیز ویێن ل جهێن دی وره‌وشا وێ هژمارا مه‌زن یا په‌نابه‌ران یێن ل ڤێ حه‌فتیێ هاتینه هه‌رێمێ وئه‌و كارو وخزمه‌تێن بو هاتینه كرن وپێدڤیێن په‌نابه‌ران ل ده‌ڤه‌رێ ب گشتی هاته كرن.
هه‌روه‌سا به‌حسێ وان پازده‌ملیار دیناران هاته كرن ئه‌وێن حكومه‌تا فیدرال بو په‌نابه‌رێن ل هه‌رێمێ ته‌رخانكرنی وچاوانیا خه‌رجرنا وی پاره‌ی هاته كرن .
جێگرێ پارێزگه‌رێ دهوكێ خوشحالیا خو ب بریارا حكومه‌تا فیدرال بوته‌رخانكرنا وی كوژمێ پاره‌ی دیاركر وخواست كو حكومه‌تا فیدرال پتر هاریكاریا په‌نابه‌ران بكه‌ت دا ئیش وئازارێن وان بهێنه كێم كرن .
لدویڤدا د كونگره‌كێ روژنامه‌ڤانی دابریكارێ وه‌زاره‌تا كوچ وكوچبه‌ران گوت پشتی حكومه‌تا فیدرال پازده‌ملیار دینار ته‌رخانكرین بو په‌نابه‌رێن سوری ل كوردستانێ مه وه‌كو وه‌زاره‌تا كوچ وكوچبه‌ران تیمێن مه‌یدانی دانان بو دویف چونا ره‌وشا په‌نابه‌ران ل هه‌رێمێ ئه‌ڤرو ئه‌م هاتینه پارێزگه‌ها دهوكێ ومه ژنێزیك زانی كوچه‌ند كاره‌كێ مه‌زن ژلایێ پارێزگه‌ها دهوكێ ڤه بو پێشوازیكرن وڤه‌حه‌واندنا ژماره‌كا مه‌زن یا په‌ناهندا هاتیه كرن وره‌نگه ئه‌ڤه ژده‌رڤه‌ی شیانێن وان بویه نه‌خاسمه پشتی ئه‌و پێلا مه‌زن یا ڤێ حه‌فتیێ هاتین ئه‌و كار هه‌مو جهێ سوپاسیێ نه ئه‌م هاتینه داهه‌فكاریێ دگه‌ل پارێزگه‌ها دهوكێ بكه‌ین دا هاریكاریا وان په‌ناهندا بكه‌ین .
هه‌روه‌سا ته‌كه‌زكر كو دێ دگه‌ل جڤاتا وه‌زیرێن حكومه‌تا فیدرال بزاڤێ كه‌ن قه‌بارێ هاریكاریكرنا په‌ناهندا ل هه‌رێما كوردستانێ زێده‌بكه‌ت دا ئێش وئازارێن وان بهێنه كێمكرن وبارێ حكومه‌تا هه‌رێمێ ژی بهێته‌سڤكرن ...ل دور ڤه‌كرنا دوو كه‌مپێن دی وره‌وشا ئاواره‌یێن كه‌مپا دومیز ل سنورێ پارێزگه‌ها دهوكێ جێگرێ پارێزگه‌رێ دهوكێ ورێڤه‌به‌رێ كه‌مپا دومیزوگوت...
