بروسكەی پیرۆزبایی جێگری سەرۆكی حكومەتی هەرێم بەبۆنەی 67 ساڵەی دامەزراندنی پارتی دیموكراتی كوردستان
مەكتەبی سیاسی پارتی دیموكراتی كوردستان بەڕێز
بەبۆنەی (67) ساڵەی دامەزراندنی پارتی دیموكراتی كوردستان، گەرمترین پیرۆزبایی ئاراستەی ئێوەی بەڕێز و تەواوی ئەندام و لایەنگرانی دەكەم.
هیوادارم ساڵیادی دامەزراندنی پارتی دیموكراتی كوردستان هاندەری زیاتر بێت بۆ بەدیهێنانی ئاواتەكانی گەلی كورد و پاراستنی دەسكەوتەكان و بەدەستهێنانی مافە وەدەست نەهاتووەكان لەسەر ئاستی كوردستان و گەشەپێدانی زیاتری وڵاتەكەمان،هاوكات لەسەر ئاستی عیراقیش بەهاوكاری هەموو لایەك بتوانین باشتر داكۆكی لەئازادی و دیموكراسی و مافەكانی خۆشمان بكەین، بۆ ئەوەی بەكردەوە چەمكی عیراقی نوێ دور لەدیكتاتۆریەت و شۆڤینیەت بەرجەستە ببێت و مافی سەرجەم پێكهاتەو نەتەوەو ئاینەكان وەدیبێت.
دوبارە پیرۆزبایی ئەو یادەتان لێدەكەم.
عیماد ئەحمەد
جێگری سەرۆكی حكومەتی هەرێمی كوردستان
