ئامارێن روویدانێن ترافیكی ێن سنورێ پاریزگەها دهوكێ
دهوك-KDP.info/ دیاره كو به‌ری جه‌ژنا ره‌مه‌زانا پیروز هژماره‌كا به‌رهه‌ڤیان ژلایێ هژماره‌كا رێڤه‌به‌ریێن په‌یوه‌ندیدار ل دهوكێ بو هاتبونه كرن، ژوان رێڤه‌به‌ریا هاتووچویا دهوكێ كو ب سەدان كارمەندێن هاتووچوویا دهوكێ دچەژنا رەمەزانێ دا دكاری دا بوو ژبوی پاراستنا گیانێ هاولاتیێن پارێزگەها دهوكێ لێ مخابنی ڤە 19 روویدانێن جورەو جور پەیدابووینە ودئەنجام دا 5 كەسان گیانێ خوە ژدەست داینە و 27 كەسێن دیتر ژی برینداربووینە .
نه‌قیبێ ماڤپه‌روه‌ر ئازاد تاها به‌رپرسێ راگه‌هاندنا رێڤه‌به‌ریا گشتی یا هاتن‌و چونی ل پارێزگه‌ها دهوكێ بو kdp.info راگه‌هاند، كو دماوه‌یێ روژانێن جه‌ژنێ دا 19 رویدان دروست بوینه ژوانا 6 وه‌رگه‌ریان‌و 12 لێكدان‌و ئێك سوتن، كو ب ئه‌گه‌رێ دروست بونا ڤان رویدانان 5 كه‌سان گیانێ خوه ژده‌ست داینه‌و 27 كه‌سێن دن ژی برینداربوینه.
دیسان ئازادی دیاركر كو رێژا روویدانا دڤێ جەژنێ دا بەرڤ كێمبوونێ چوویە ودیاركر كو پتریا ئەڤان روویدانان لسەر رێكین دەرڤەی باژیران پەیدابووینە .
