دووبارە دەنگۆی رووخانی بەنداوی موسڵ لە ئارادایە
موسڵ-تایبەت بەKDP.info/ دووبارە دەنگۆی رووخانی بەنداوی موسڵ لەئارادایە و ئەگەر ئەو بەنداوەش بروخێ ئەگەری ھەیە نیوەی موسڵ ژێر ئاو بکەوێ.
سەعید مەموزینی بەرپرسی راگەیاندنی لقی چواردەی پارتی دیموکراتی کوردستان لە پارێزگای موسڵ بەkdp.infoراگەیاند: بەنداوی موسڵ بەشێوەیەکی نازانستیانە دروست کراوە و دەگوترێ لەساڵانیھەشتاکان کاتێک سەرۆکی رژێمی پێشوی بەعس سەدام حوسێن بە فرۆکە بەسەر ئەو شوێنە داچوو و داوایکردوە بکرێتە بەنداو، بۆیە لەو کاتەوە تاوەکو ئێستا مەترسی رووخانی لێدەکرێت.
سەعید مەموزینی گوتیشی: ئێستا دەنگۆی رووخانی زۆر گەرم و گوڕ بووە و ئەگەر بڕوخێت ئەگەری ھەیە نیوەی موسڵ ژێر ئاو بکەوێت.
مەموزینی راشیگەیاند: رۆژانە بەدەیان تەن جیمەنتۆی تێدەکرێت وکرێکار کاری تێدا دەکەن، چونکە ئەگەر یەک ھەفتە کاری تێدا نەکرێت، ئەگەری رووخانی لێدەکرێت.
ماوەی چەند ساڵێکە بەردەوام دەنگۆی روخانی بەنداوی موسڵ لە ئارادایە و ماوە ماوەش ئەو دەنگۆیە دووبارە دەبێتەوە.
