ئامارێن روویدانێن جەژنێ لسنورێ پاریزگەها دهوكێ
دهوك-KDP.info/ ل دووڤ ئامارێن ب ده‌ست مه كه‌فتین ل سه‌رانسه‌ری پاریزگه‌ها دهۆكێ ل هه‌ر سێ رۆژێن جه‌ژنا ره‌مه‌زانا پیروز 69 كه‌سان ژبه‌ر روودانێن ترمبێلا سه‌ره‌دانا ده‌زگه‌هێن ساخله‌میێ كریه و 5 كه‌سان گیانێ خوه ژده‌ستدایه كو زه‌لامه‌ك و ژنه‌ك و زارۆیه‌ك بوون و دو هه‌ڤژین ژی ل سه‌ر رێكا گوندێ دیناران بووینه قوربان هه‌روه‌سا سئَ كه‌س ژ ئه‌گه‌رێ گوله‌یێن ئاگری بووینه قوربان و كچه‌ك ژی ژ ئه‌گه‌رێ سۆتنێ روودانێن جورا و جور وه‌كو پێڤه‌دانا دووپشك و ماران، كه‌تن ژ بلنداهیێ، ب شه‌رچوون، كه‌تن ل جهێن سروشتی، ژه‌هراویبوون، ئاگه‌ه ژ خوه نه‌بوون، گێژبوون و ...هتد دبنه 261 روودان.
رێڤه‌به‌ریا گشتی یا ساخله‌میا پاریزگه‌ها دهۆكێ زیدەتر بو kdp.infoدیاركر، 17كه‌سان ل ده‌مێ روودانان په‌یوه‌ندی ب سه‌نته‌رێ 122 كریه و یا پێدڤی بۆ هاتیه كرن به‌ری ب ڤه‌گوهێزنه نه‌خوشخانێ‌و2كه‌س ل ئاكرێ كو كارێ شڤانیێ دكر ب په‌قینه‌كێ برینداربووینه‌و24كه‌سان سه‌ره‌دانا نه‌خوشخانا سۆتنێ و نشته‌رگه‌ریێن جوانكاریێ كریه ژوان 3 كه‌س ل نه‌خوشخانێ هاتبوونه نڤاندن و كچه‌كێ كو 90% لاشێ وێ سۆت بوو گیانێ خوه ژده‌ستدایه.
هەروەسا رێڤه‌به‌ریا گشتی یا ساخله‌میا پاریزگه‌ها دهۆكێ پێشوه‌خت پلانا خوه یا رۆژێن جه‌ژنێ راگه‌هاندبوو و تێدا دیاركربوو كو هه‌می پشكێن ته‌نگاڤیا ل نه‌خوشخانا ل گه‌ل بنگه‌هێن نوبه‌دار و بنگه‌هێن ل سه‌ر رێكێن سه‌ره‌كی دێ 24 ده‌مژمێ وان دخزمه‌تا وه‌لاتیان بن.
هه‌روه‌سا 9 تیمێن ڤێراگه‌هشتنێ دخزمه‌تا وه‌لاتیان دابوون و سه‌نته‌رێن هه‌وارهاتنێ ل گه‌لیێ زاخۆ، دوشیڤان، به‌رده‌ره‌ش و سه‌رسنكێ ژی به‌رده‌وام دكاری دابوون.
ل گه‌ل ڤێ چه‌ندێ 8 تیمێن زێره‌ڤانیا ساخله‌میێ پێكئینابوون و ل رۆژانێن جه‌ژنێ سه‌ره‌دانا هه‌می جهێن كو دكه‌ڤنه ل ژێر چاڤدێریا ساخله‌میێ كربوو.
