سەرۆكی هەرێمی كوردستان یاسای بودجەی دارایی ئەمساڵی پەسەند كرد
فوئاد حوسێن ئەمڕۆ چوارشەممە 27/6/2012 لە لێدوانێكی تایبەتدا بۆ ماڵپەڕی سەرۆكایەتی هەرێم رایگەیاند كە بەڕێز مسعود بارزانی سەرۆكی هەرێمی كوردستان یاسای بودجەی پەسەند كرد.
سەرۆكی دیوان لە لێدوانەكەدا گوتی كە ئەمڕۆ سەرۆك بارزانی یاسای ژمارە (8)ی ساڵی 2012 ی بودجەی هەرێمی كوردستانی عێراق بۆ ساڵی دارایی 2012ی پەسەند كرد، دوای پەسەندكردنی یاساكەش لەلایەن بەڕێزیانەوە؛ هەر ئەمڕۆ بۆ رۆژنامەی فەرمیی وەقائعی كوردستان دەنێردرێ بۆ بڵاوكردنەوەی.
