بەشیر ئاتالای: هیوادارم لە كۆنگرەی نەتەوەیی كورددا بریاری رەتكردنەوەی توندوتێژی دەربكرێت

ئەنقەرە- KDP.info/ جێگری سەرۆك وەزیری توركیا و قۆردیناتۆری گشتی قۆناغی چارەسەری پرسی كورد بەشیر ئاتالای لە دیمانەیەكدا باسی رووداو و پێشهاتە سیاسییەكانی توركیای كردووە و رایگەیاندووە كە قۆناغی چارەسەری پرسی كورد بەردەوامە.

ماڵپەڕی خەبەر كورد بڵاوی كردەوە كە جێگری سەرۆك وەزیری توركیا سەبارەت بە بریارەكانی دادگای سزای گرانی ژمارە 13یش بۆ دۆزی ئەرگەنەكون و گیراوەكانی ئەو دۆزە ئاماژەی بەوە كردووە كە پێویستە هەر كەس رێز لە بریاری دادگا بگرێت چونكە لە توركیا دادگا و سیستەمی دادوەری سەربەخۆیە.

بەشیر ئاتالای لە بەشێكی دیكەی دیمانەكەی خۆیدا باسی كۆنگرەی نەتەوەیی كوردیشی كردووە و رایگەیاندووە كە وەكو حكوومەت هێشتا هیج جۆرە هەڵوێستێكی رەسمییان نیشان نەداوە، بەڵام پێدەچێت تەنیا چاوەراوانی حكوومەتی توركیا لەو كۆنگرەیە ئەوە بێت كە لەم كۆنگرەیەدا بریارێك بۆ رەتكردنەوەی توندوتێژی دەربكرێت.