سەربەست مستەفا : بەھیچ شێوەیەک رێژەی دەنگده‌ران زیادی نەکردووە
ھەولێر-تایبەت بەKDP.info/سەرۆکی کۆمسیۆنی باڵای سەربەخۆی ھەڵبژاردنەکانی عێراق ئاشکرایکرد، ئەوان سورن لەسەر ئەوەی کە ھەڵبژاردنی پەرلەمانی کوردستان لەکاتی خۆی ئەنجام بدەن.
سەربەست مستەفا سەرۆکی کۆمسیۆنی باڵای سەربەخۆی ھەڵبژاردنەکانی عێراق بەkdp.infoراگەیاند: وه‌ڵامی ھەموو لایەنەکانیان داوەتەوە کە بەھیچ شێوەیەک رێژەی دەنگدران زیادی نەکردووە، بەڵام کە ھەندێک لایەن بڕوا نەکەن ئێمە چیبکەین؟
سەربەست مستەفا گوتیشی: ئەو لایەنانەی کە بروایان نییە با بیسەلمێنن کە رێژەکە زیادیکردووە وسکاڵا تۆماربکەن.
مستەفا رونیشیکرده‌وە، ئێمە بەپێی یاسای کار دەکەین و لایەنی جێبەجێکارین ھەر بڕیارێکی یاسایی بێت ئێمە پابەندین بەیاسا و جێبەجێی دەکەین.
سەرۆکی کۆمسیۆنی باڵای سەربەخۆی ھەڵبژاردنەکانی عێراق ئاماژەی بەوەشکرد، ئێمە سورین کە ھەڵبژاردنی پەرلەمانی کورستان لەوادەی خۆی ئەنجام بدەین، بەڵام بۆھەڵبژاردنی ئەنجوومەنی پارێزگاکان داوامان کردووە بەر لە 21/11/2013دەتوانین ئەنجامی بدەین، چونکە ھەموارکردنەوەی یاسا دواکەوتووە و ناتوانن لە 21ی ئەیلول لەگەڵ ھەڵبژاردنی پەرلەمان ئەنجامی بدەن، بەڵام تاوەکو ئێستا حکوومەت وه‌ڵامی ئەوانی نەداوەتەوە.
