پەیامی هاوخەمیی سەرۆکی هەرێمی کوردستان بۆ کۆچی دوایی شێرکۆ بێکەس

بەناوی خوای گەورە و میهرەبان

هەواڵی کۆچی دوایی شاعیری ناوداری کوردستان شێرکۆ بێکەس هەموومانی خەمبار کرد. ئەو شاعیرە جگە لەوەی کوڕی شاعیری نیشتیمانپەروەری کورد فایەق بێکەس بوو، خۆیشی هەم وەک تێکۆشەر و پێشمەرگەیەک بەشداریی لە خەباتی ڕزگاریخوازی گەلەکەماندا کرد و هەمیش وەک شاعیرێک ڕۆڵێکی بەرچاوی لە بزاڤی ڕۆشنبیریی کوردیدا هەبووە، لە دەستدانی ئەو شاعیرە ناودارە خەسارەتێکی گەورەیە بۆ ئەدەب و شێعری کوردی.

لەم بۆنە خەمناکەدا هاوخەمیی خۆم ئاراستەی بنەماڵە و کەسوکار و هاوڕێ و هەوادارانی ئەم شاعیرە گەورەیە دەکەم و له‌ پەروەردگاری مەزن داواكارم سه‌بووریی و دڵنه‌وایی به‌ هه‌موو لایه‌ك ببه‌خشێت و خوالێخۆشبوویش بخاتە به‌ر دلۆڤانیی خۆی.

 

انا لله‌ و انا الیه‌ راجعون

مسعود بارزانی

سەرۆکی هەرێمی کوردستان

5/8/2013