پارێزگه‌رێ دهوكێ و شانده‌كێ ئه‌لمانی سه‌را كه‌مپا دومیز دا
دهوك-KDP.info/ ته‌مه‌ر ره‌مه‌زان پارێزگه‌رێ دهوكێ ودیریك نیبل وه‌زیرێ ئابوری وگه‌شه‌پێدانا ئه‌لمانی وبالیوز وكونسلێ ئه‌لمانیا ل به‌غدا وهه‌ولێرێ سه‌را كه‌مپا دومیز یا په‌نابه‌رێن كوردێن سوریا دا...
دبه‌رنامێ سه‌ره‌دانا خودا شاندێ ناڤبری سه‌را باره‌گایێ سه‌ره‌كی یێ رێكخراواUNHCR و قوتابخانا ژین ورێكخراوا WFPدا وژنێزیك دان وستاندن دگه‌ل به‌رپرسێن وان كرن وب رێكا وان ئاگه‌هداری كێم وكاسیێن كه‌مپێ وپه‌نابه‌ران بون هه‌روه‌سا سه‌حكره به‌رنامێن ده‌زگه‌هێن UNوئه‌و خزمه‌تێن پێشكێشی په‌نابه‌ران دكه‌ن...
لدویڤدا دناڤ كه‌مپێ داباره‌گایێ ده‌زگه‌هێ ژیان بو مافێ مروڤی هاته ڤه‌كرن كو بنگه‌هێ حه‌فتێ یه لكه‌مپا دومیز دهێته ڤه‌كرن بو پێشكێشكرنا هاریكاریێن نوشداری وده‌رونی وچاره‌سه‌ریا سروشتی یا بێ به‌رامبه‌ر..
پاش شاندێ ناڤبری سه‌را ئێك ژوان بازارادا كو ئاهێن خارنێ ب رێكاWFP ل سه‌ر په‌نابه‌راندا به‌لافدكه‌ت وژنێزیك سه‌حكره پروسا به‌لافكرنێ ل سه‌ر په‌نابه‌ران ....
ل دوماهی وه‌زیرێ ئابوری وگه‌شه‌پێدانا ئه‌لمانی وپارێزگه‌رێ دهوكێ بو سازیێن راگه‌هاندنێ ئاخفتن ل ده‌ستپێكێ دیریك نیبل وه‌زیرێ ئابوری وگه‌شه‌پێدانا ئه‌لمانی گوت: سوپاسیا حكومه‌تا هه‌رێما كوردستانێ دكه‌ین بو وێ هاریكاریا دگه‌ل په‌نابه‌ران ل ناڤ كه‌مپا دومیز دكه‌ن وبو خو كاری ل ناڤ باژێرێن كوردستانێ دكه‌ن هه‌روه‌سا سوپاسیا سازیێن یو ئێن كر ل د ور ئه‌و هاریكاریا بو په‌نابه‌ران ل ناڤ كه‌مپێ دكه‌ن .
هه‌ر بڤێ هه‌لكه‌فتێ راگه‌هاند كو حكومه‌تا ئه‌لمانیا 20 ملیون یورو بو ئاوارێن سوری ته‌رخانكرینه وهیڤی خاستن كو پشكه‌ك ژوی كوژمی بو په‌نابه‌رێن كه‌مپا دومیز بهێنه ته‌رخانكرن.
ژلایێ خوڤه پارێزگه‌رێ دهوكێ سوپاسیا حكومه‌تا ئه‌لمانیا كر ل دور ئه‌و هاریكاریێن بو په‌نابه‌ران پێشكێشدكه‌ن وب رێكا سازیێنUNل سه‌ر ئاواران دهێنه به‌لافكرن وته‌كه‌زكر كو كارگێریا پارێزگه‌ها دهوكێ ل نێزیك دێ كه‌مپه‌كا دی بو په‌نابه‌ران ڤه‌كه‌ت وخواست كو جڤاكێ ده‌وله‌تی ب گشتی وبتایبه‌ت ئه‌لمانیا پتر هاریكاریا بو په‌نابه‌ران بكه‌ت...
هه‌ژی گوتنێ یه ژمارا په‌نابه‌رێن سوری ل هه‌رێما كوردستانێ ژ100هزار كه‌سان ده‌ربازبویه پتریا وان ل كه‌مپا دومیز دئاكنجینه وحكومه‌تا هه‌رێمێ بكوژمێ پتر ژ15ملیون دولارا خزمه‌تكاری بو كه‌مپا دومیز دابینكرینه.
