ئەمەریكا شمشێرەكەی سەدام حوسێنی بە حكومەتی عێراق دایەوە
ئەمەریکا – KDP.info / ئەمەریكا شمشێرەكەی سەدام حوسێنی بۆ حكوومەتی عێراقی گەراندەوە ، كە پیشتر لەكاتی پرۆسەی ئازادکردنی عێراق دا لە ساڵی 2003 لە کۆشکی کۆماری سەدام حوسێندا هێزەکانی ئەمەریکا دەستی بەسەردا گرتبوو، ئەو شمشێرەی سەدام بە بەجۆرێكی دەگمەنی شمشێر دادەنرێت و کۆی گشتی لە ئاڵتون دروستكراوە، دوای دەست بەسەر داگرتنی ساڵی 2012 لە ویلایەتی نیوهامبشیەری ئەمەریكا بەبڕی 15 هەزار دۆلاری ئەمەریكی فرۆشراوە. مالپەری روسیا الیوم بڵاویکردەوە ؛ کە شمشێرەكە دوای فرۆشتنی رادەستی دەزگا ئەمنییەكانی ئەمەریكا كرایەوە و وەزارەتی بەرگری نیشتیمانی ئەمەریكاش شمشێرەكەی رادەستی باڵیۆزی عێراق لە ئەمەریکا كردووە ، لای خۆشییەوە بەها ئەلمەیاحی جێگری وەزیری رۆشنبیریی عێراق رایگەیاند بێجگە لەم شمشیرە ئالتونییە، هەتا مانگی ئابی ساڵی 2014، بڕیارە حكوومەتی ئەمەریكا زیاتر لە ١٠ هەزار پارچە شوێنەواری دزراوی عێراقی بگەڕێنێتەوە بۆ عێراق.
