مافێن مروڤی :لزاخۆ كێمترین سكالا یێن مافێ مروڤی هاتینه تومار كرن
زاخو- تایبەت ب KDP.info/ دچوار چوڤێ سه‌ره‌دانا خودا بۆ باژێرێن كوردستانێ ل روژا سێ شه‌مبێ و لرێكه‌فتی 30-7-2013)ێ و لده‌م ژمێر 11ی به‌ری نیڤرو شانده‌كێ ده‌سته‌یا سه‌ربه‌خویا گشتی یا مافێن مروڤی لهه‌رێما كوردستانێ ب سه‌رپه‌رشتیا ضیاء بطرص صلیوه سه‌روكێ ده‌سته‌یێ، سه‌ره‌دانا قائممقامیا قه‌زا زاخۆ كرن و ژبال خه‌لیل مه‌حمود قائممقامێ زاخۆ ڤه هاتن پێشوازیكرن و درونشنته‌كێدا مه‌ره‌م ژ سه‌ره‌دان و هاتنا شاندا خوه دایه دیاركرن و گوتی كاركرن بۆ پێش ئێخستنا ره‌وشا مافێن مروڤی ل كوردستانێ و هه‌روه‌سا رێكخستنا كاروبارێن سه‌رجه‌م نڤێسینگه‌هێن مه هه روه‌سا ئه‌و ده‌زگایێن گشتی یێن ئه‌م كار تێدا دكه‌ین ته‌ئكید كر كو كاركرن بۆ باشتر كرنا ڤێ ره‌وشێ ب چه‌ند كه‌سه‌كان یان ده‌زگایه‌كا ناهێت كرن ژبه‌رهندێ پشته‌ڤانیا هه‌می لایه‌كێ دخوازین داكو ئه‌ڤ به‌رپرسیاره‌تی بكه‌ڤیت ستویێ هه‌می كومه‌لگه‌هێ مه و ژلایێ خوه‌ڤه قائممقامێ زاخۆ خوشحالیا خوه بۆڤێ سه‌ره‌دانێ دیاركر گوتی لده‌مه‌كێ مافێن ملله‌تێ مه هه‌می دویر ژبچیكترین پیڤه‌رێن مروڤایه‌تی و ئاینی ژلایێ دوژمنێن مه‌ڤه دهاته بن پێ كرن له‌وما ئه‌ڤرو ئه‌م یێ دوه‌لاته‌كێ دژین كو مه بخوینێ ئاڤا كری یه و به‌ره‌ڤانی ژێ كری یه ژبه‌ر هندێ ژی هه‌رده‌ما مه كار كر ژبلی ئه‌م ب ئه‌ركێ خوه دزانین به‌لكو دا خزمه‌ته‌كا مه‌زنتر بهێته پێشكێش كرن بۆ گه‌ل و وه‌لاتێ مه .
و لدوماهییا رونشتنێ قائممقامێ زاخو پیروزباهی و ده‌ستخوشی ئاراسته‌ی كارێ وان یێ مروڤایه‌تی و پیروز كر و هه‌روه‌سا هیڤیا سه‌ركه‌فتنێ بو ده‌سته‌یێ سه‌روكێ نویێ ده‌سته‌یێ كو ماوه‌یه‌كه سه‌روك بۆ ڤێ ده‌سته‌یێ هاتی یه دانان بۆ خواست.
