بە هۆی هێرشی تالیبان بۆ سەر گرتوخانەیەك له پاكستان 12 كەس كوژران
پاكستان – KDP.info/ بەرپرسانی پاكستان رایانگەیاند چەكدارانی تالیبان بە پۆشینی جلوبەرگی پۆلیس پەلاماری بەندیخانەیەكیان لە شاری دەرەی ئیسماعیل خان لە باكوری رۆژئاوای پاكستان داوە و بەو هۆیەوەش دوازدە كەس كوژراوان و شەش كەسی دیكەش بریندار بوون. هاوكات بەرپرسانی پاكستان ئاماژەیان بەوەشدا پەلاماردەران توانیویانە دووسەد و چل و سێ بەندكراو ئازاد بكەن. هەروەها بەرسان ئاماژەیان بەوەشدا كە لە نێوان ئازاد كراوەكاندا سی كەسیان چەكداری یاخیبووی پاكستانن. هەر لەمبارەیەوەخالید عەباس بەرێوەبەری گرتوخانەكە رایگەیاند ژمارە چەكدارە پەلاماردەرەكان پەنجا تا شەست كەس بوون و رووبەرووبونەوەكەش ماوەی سێ كاتژمێری خایاندووە.
