كونسلێ گشتی یێ ئه‌مریكا ل كوردستانێ سه‌را كه‌مپا دومیز دا
دهوك- تایبەت ب KDP.info/ كونسلێ گشتیێ ئه‌مریكا ل هه‌رێما كوردستانێ( جوزێف پینینگتون )و شاندێ دگه‌ل دا سه‌ره‌دانا كه‌مپا دومیز یا ئاواره‌یێن كوردێن روژئاڤا دا و ژلایێ رێڤه‌به‌ریا كه‌مپێ پێشوازی لێ هاته كر.
د روینشتنه‌كێدا به‌حسێ ژین و ژیارا ئاواره‌یان هاته كرن و رێڤه‌به‌رێ كه‌مپا دومیز رولێ حكومه‌تا هه‌رێما كوردستانێ د هاریكاریكرنا ئاواره‌یێن كه‌مپا ناڤبری بو شاندێ مێڤان دیار كر.
كونسلێ گشتیێ ئه‌مریكا د په‌یڤه‌كێ دا ئاماژه ب وێ چه‌ندێ دا كو وه‌لاتێ وی پاره‌كێ مه‌زن مه‌زاختیه بو ئاواره‌یێن سوریا كو پشكه‌كا مه‌زن ژێ بو وان ئاواره‌یێن ل هه‌رێما كوردستانێ هاتیه ده‌ست نیشان كرن و گوت ئارمانجا ڤێ سه‌ره‌دانێ ئه‌وه بو ژنێزیك بزانین كا چ پروژه و كار هاتینه ئه‌نجام دان ل كه‌مپا ناڤبری و ره‌وشا ئاواره‌ییان ژنێزیك بزانین ول دویڤ دا كونسلێ گشتیێ ئه‌مریكا سه‌ره‌دانا بنگه‌هێ یو ئێن ئێچ سی ئار و نه‌خوشخانه و قوتابخانا ژیانل كه‌مپێ كرن.
