111 هزار ئاواره یا ناڤێ خوه ل كه‌مپا دومیز توماركریه
دهوك-KDP.info/ رێڤه‌به‌رێ كه‌مپا دۆمیز بۆ ده‌زگه‌هێن راگه‌هاندنێ خویاكر، تا نها رێژه‌یا ئاوه‌ره‌یێن سووریێ ئه‌وێن هاتینه تۆماركرن 111 هزار و 751 كه‌سن و هژمارا ئاكنجیێن نها ل كه‌مپا ناڤبری 60 هزار كه‌سن.
لدور ڤێ چه‌ندێ ژی خالد حسێن رێڤه‌به‌رێ كه‌مپا دومیز دداخویانیه‌كێ دا بو ده‌زگه‌هێن راگه‌هاندنێ خویاكر كو هژمارا ئاكنجیێن دكه‌مپێ دا كێمتر ژ 60 هزار كه‌سانه و دورێن 60 هزار كه‌سێن دی هه‌نه كو نه‌هاتینه توماركرن ئانكو نێزیكی 160 هزار ئاواره ل هه‌رێما كوردستانێ هه‌نه ئه‌ڤه‌ژی ل دویڤ ئامارێن رێكخراوێن نیڤ ده‌وله‌تی.
رێڤه‌به‌رێ كه‌مپا دومیز گوت ژی: ژبه‌ركو سنورێ دناڤبه‌را باشورێ كوردستانێ و روژئاڤای دا هاتیه دائێخستن رێژا هاتنا ئاواره‌یان به‌ره‌ڤ كێمبونێ چویه ئه‌گه‌ر روژانه نێزیكی 1000 ئاواره‌یان دهاتن و ناڤی خوه توماردكرن و هاتنا وان یا به‌رده‌وامه لێ به‌ره‌ڤ كێمیێ چویه كو روژانه دورێن 30 تا 100 كه‌سان دهێنه ناڤا كه‌مپێ خو و ناڤێ خوه توماردكه‌ن
خالد ئاماژه‌كر، كێمبوونا ڤان ئاواره‌یان دزڤریت سنۆر دناڤبه‌را باشۆرێ كوردستانێ و رۆژئاڤادا هاتییه دائێخستن و هاتنا وان به‌ره‌ڤ كێمییه ژبلی هنده‌ك حاله‌تێن تایبه‌ت و یێن نه‌خۆش رێ بۆ دهێته دان، به‌ری سنۆر بهێنه گرتن رۆژانه نێزیكی هزار ئاواره‌یان خوه ل كه‌مپا دۆمیز تۆماردكرن
