سه‌نته‌رێ پاشه‌رۆژ بۆ ره‌وشه‌نبیرییا زارۆیان دێ لدهوكێ هێته ڤه‌كرن
دهوك-KDP.info/ بریاره ئەڤروولد ده‌مژمێر نه‌هی شه‌ڤێ سه‌نته‌رێ پاشه‌رۆژ بۆ رەوشەنبیرییا زارۆیان لژێرچاڤدێرییا ئه‌یوب ره‌مه‌زان رێڤه‌به‌رێ گشتیێ ره‌وشه‌نبیری و هونه‌ری و وه‌رزش و لاوان بهێته ڤه‌كرن.
دڤێ واریدا ئه‌حمه‌د جه‌مال بەرپرسێسه‌نته‌رێ پاشه‌رۆژ بۆ ره‌وشه‌نبیرییا زارۆیان بۆkdp.infoدیاركر، مه‌ره‌ما سه‌ره‌كی ژ ڤه‌كرنا ڤی سه‌نته‌ری خزمه‌تكرنا ته‌خا زارۆیانه، چونكی ئه‌و ته‌خه گه‌له‌ك هه‌ستیاره و دڤێت چاڤ خشاندن و پشته‌ڤانییا وان د هه‌موو واراندا بهێته‌كرن ودێ چەندین چالاکیێن جودا بۆ زارۆیان ھێنە ئەنجامدان مینا ڤەکرنا خولێن بھێزکرنا (کۆمبیوتەر، نیگارکێشان، باشنڤیسی، وەرزش، ھزری و رەوشەنبیری)زێدەباری چەندین پڕۆژەیێن دی مینا ڤەکرنا خیڤەتگەھێن زارۆیان و ئەنجامدانا بەریکانەیێن زانستی.
ئەحمەد جەمال دیار کر ژی : ئەو زارویێن ل سەر جاددەیان کار دکەن دێ بزاڤێ کەین ب ھەڤکارییا ئالیێن پەیوەندیدار ھندەک ئامارێن دروست بۆ وان بکەین زانینا وێ راستییا کارکرنێ و دیسا ژی دێ بزاڤێ کەین چەندین خولێن جودا بۆ وان زارۆیان ژی ڤەکەین ب تایبەت د وارێ مافێن زارۆیان و مافێن مرۆڤی دا .
