لە ئەدەنە بەهۆی بەشداریان لە خۆپێشاندانەکانی ئەستەمبۆل 9 که‌س دەستگیرکران

تورکیا – KDP.info / بەتۆمەتی بەشداریان لە خۆپێشاندانەکانی پارکی گێزی ئەستەمبۆل ، پۆلیسى تورکیا له‌شاری  ئه‌ده‌نه‌  9  که‌سى ده‌ستگیرکرد و ره‌وانه‌ى به‌رێوه‌به‌رایه‌تى لێپرسینه‌وه‌ی کردن  له هەڵمەتێکی گەڕان  هه‌ڵکوتانه‌ سه‌رماڵاندا کە چەند رۆژیک بەر لە ئیستا لەلایەن پۆلیسی تورکیاوە لە شاری ئەدەنی  تورکیا  ئەنجامدرا .  11  که‌س  ده‌ستبه‌سه‌ر کران و    دوێنێش  ئەو بەندکراونە  ره‌وانه‌ى به‌رێوه‌به‌رایه‌تى لێپرسینه‌وەی ئەو شارە کران، وەک رۆژنامەی رادیکاڵی تورکیا بڵاویکردۆتەوە ، پاش وه‌رگرتنى ئیفاده‌ی دەست بەسەرکراوەکان له‌دادگاى گشتى تورکیا، تۆمەتی   ئه‌ندامى رێکخستنن  چاڵاکییەکانیان لە خۆپیشاندانەکانی پارکی جیزی لەسەریان ساغبۆتەوە بەهۆیەوەش 9  که‌س لەو بەندکراوانە به‌بڕیارى دادگا ره‌وانه‌ى بەندیخانە کران .  هاوکات که‌سوکارى ئه‌وبەندکراوەکان له‌به‌رده‌م دادگاکە کۆببونه‌وه‌ ، له‌لایه‌ن پۆلیسى تورکیا‌وه‌ هێرشیان کرایه‌سه‌ر و شه‌روپێکدادان له‌نێوان پۆلیس و که‌سوکارى زیندانیان هاته‌ئاراوه‌ .شایەنی باسە لە نێو بەندکراوەکاندا ئافرەتیش  هەبووە . ماوەیەک بەر لە ئێستا لە ئەستەمبۆل و چەند شارێکی دیکەی تورکیا خۆپێشاندانێکی فراوان هاتە کایەوە بەهۆیەوەش  4  کەس کوژران و هەزارانی دیکەش برینداربوون.