لە دوو تەقینەوەدا لە كەركووك 12 كەس شەهید بوون

كەركووك-KDP.info/ سەرچاوەكانی هەواڵ بڵاویان كردەوە كە شەوی رابردوو دوو تەقینەوە لە نزیك دوو مزگەوت لە شاری كەركووك روویاندا و ژمارەیەك قوربانیی لێكەوتەوە . لەمبارەیەوە سەرچاوەكانی هەواڵ بڵاویان كردەوە كە تەقینەوەكان لە بەردەم مزگەوتی عومەر بن عەبدولعەزیز و مزگەوتی ساڵحییەی گەڕەكی یەكی ئادار روویاندا و بە پێی ئاماری سەرچاوە تەندروستییەكانی شارەكە لە هەردوو تەقینەوەدا دوزادە كەس شەهید بوونە و سیی و سێ كەسی دیكەش برینداربوونە.