ل ئامێدیێ كارەب بو چەندێن پروژێن ئاڤێ دهێتە گەهاندن
ئامێدیێ- تایبەت ب KDP.info/ پڕۆژه‌یێ گه‌هاندنا كاره‌بێ بۆ پرۆژه‌یێن ئاڤا، سه‌رده‌راڤ و گوندكی، كۆمه‌لگه‌ها ئازادی، كه‌رتێ ئینشكێ، گوندێ ته‌حلاڤێ، گوندێ داودیێ، دێره‌لۆكا رۆژهه‌لات، گوندێ صاركێ و شه‌معێ، گوندێ روستینكێ ل ئامێدیێ، یاریگه‌ها بچووك ل كۆمه‌لگه‌ها سیریێ، دیسا گه‌هاندنا كاره‌بێ بۆ گوندێن، باوه‌مینكێ، جه‌لۆكێ، بایباكێ، كاره‌ڤا، تاخێ ئازادی و تاخێ خه‌بات ل ناوچه‌یا چه‌مانكێ یا سه‌ر ب ده‌ڤه‌را ئامێدیێ ڤه، نها بۆ كۆمپانییه‌كێ هاتییه شاندن و وه‌ها بریاره د هه‌یاما 180 رۆژان دا ئه‌ڤ پڕۆژه‌یه بهێته بجهكرن.
هه‌ر دڤی واری دا حسێن خالد ده‌ڤه‌ردارێ ئامێدیێ بۆ kdp.infoخویا كر، د به‌رده‌وامیا ئه‌نجامدانا پڕۆژه‌یێن ئه‌له‌كتریكێ ل سنۆرێ ده‌ڤه‌را ئامێدیێ، گوژمه‌یێ 756 ملیۆن دینار و 849 هزار دیناران بۆ بجهكرنا پڕۆژه‌یێ گه‌هاندنا كاره‌بێ بۆ چه‌ند پڕۆژه‌یێن ئاڤێ هاتینه ته‌رخانكرن و گۆت: پڕۆژه‌یێ گه‌هاندنا كاره‌بێ بۆ ڤان پڕۆژه‌یێن ئاڤێ ژی، دێ د هه‌یاما 180 رۆژان دا هێته ئه‌نجامدان و ئاشكرا ژی كر، نها ئه‌ڤ پڕۆژه‌یه بۆ كۆمپانیا صپنه هاتییه ره‌وانه‌كرن و بریاره ل ڤان نێزیكان ده‌ست بئه‌نجامدانا پڕۆژه‌ی بهێته كرن.
