ئیسرائیل ژمارەیەك ئەسیری فەلەستینی ئازاد دەكات
ئیسرائیل - KDP.info/ دوای ئەوەی هەر دوو لایەنی فەلەستینی و ئیسرائیلی بریاندا كە بۆ سەر مێزی دانوستانەكان بگەرێنەوە، حكومەتی ئیسرائیل بریاری ئازاد كردنی ژمارەیەك ئەسیری فەلەستنینی دەركرد. هاوكات حكومەتی ئیسرائیل ئاماژەی بە ژمارەی ئەسیرەكاند نەدا كە ولاتەكەی بریاری ئازاد كردنیانی داوە. لە لایەكی دیكەوە جۆن كیری وەزیری دەرەوەی ئەمریكا سەبارەت بە دەسپێكردنەوەی دانوستانەكان رایگەیاند كە هێشتا هەندی وردەكاری ماوە كە پێویستە روون ببنەوە، ئەگەر هەنگاوەكانی پێش دەستپێكردنی دانوستانەكان بە باشی بچنە پێشەوە، بەرپرسانی ئیسرائیل و فەلەستین لە ماوەی یەك تا دوو هەفتەی ئاییندە بۆ دەسپێكردنی خولی یەكەمی دانوستانەكان سەردانی واشنتۆن دەكەن.
