دهوك: جێگرێ پارێزگه‌رێ دهوكێ كومبوونه‌ك دگه‌ل رێڤه‌به‌رێن فه‌رمانگه‌هێن میری سازكر
دهوك-KDP.info/ ئه‌ڤرو به‌هزاد عه‌لی ئاده‌م جێگرێ پارێزگه‌رێ دهوكێ ب به‌رهه‌ڤبوونا لێژنا كێمكرن و نه‌هێلانا روتینی سه‌ر ب جڤاتا وه‌زیران ڤه كومبوونه‌ك دگه‌ل رێڤه‌به‌رێن فه‌رمانگه‌هێن میری ل پارێزگه‌هێ سازكر، ل ده‌ستپێكێ جێگرێ پارێزگه‌رێ دهوكێ ئاماژه ب گرنگیا كێمكرن و نه‌هێلانا روتینی دناڤ دام و ده‌زگه‌هێن میری دا كر داكو ب ره‌نگه‌كێ باشتر خزمه‌تا وه‌لاتیان بهێته كرن، پاشی لێژنا ناڤبری رونكرنه‌ك دا سه‌ر كارێ لێژنێ و دووپاتكر كو ئه‌و ژ نێزیك دێ ئاگه‌هداری وان ئاسته‌نگ و روتینان بن ئه‌وێن دكه‌ڤنه د رێكا كاری دا تاكو بهێنه چاره‌سه‌ركرن و خزمه‌تا وه‌لاتیان بهێته كرن و داخواز ژ به‌رهه‌ڤبوویان كر ئاسته‌نگ و ئالوزیێن خو دیار بكه‌ن تاكو لێژنه دیڤچوونێ بكه‌ت و چاره‌سه‌ر بكه‌ت.
