ئه‌یاد عه‌لاوی : پرۆژه‌كتا وه‌رگرتنا باوه‌ریێ ژ مالكى به‌رده‌وامه
سه‌رۆكێ فراكسیۆنا ئێراقییه راگه‌هاند پرۆژه‌كتا وه‌رگرتنا باوه‌ریێ ژ نورى مالكى سه‌رۆك وه‌زیرێ ئیراقێ به‌رده‌وامه و ته‌كه‌ز ژى كر كو رێ ناده‌ن جاره‌كه دن رژێمه‌كه ده‌كتاتۆر ل ئێراقێ بێته دامه‌زراندن.
ئه‌یاد عه‌لاوى سه‌رۆكێ فراكسیۆنا ئێراقییه د داخویانیه‌كێ ده ژبۆ رۆژنامه یا ره‌ئى یا كوێتێ راگه‌هاند وه‌رگرتنا باوه‌رێ ژ نورى مالكى سه‌رۆك وه‌زیرێ ئێراقێ به‌رده‌وامه و هه‌وجه‌دارى سێ هه‌فتیا یان مه‌هه‌كێ یه، دازانین ژى كو ئاگاهى و رێ و جه ژبۆ ڤێ دۆسه‌یێ ل به‌رده‌ستێ وان هه‌نه.
راگه‌هاند ژى كۆمیته‌كه سیاسى ژبۆ پێكانینا لێپرسینێ ب مالیكى ره و وه‌رگرتنا باوه‌رێ ژ وى هاتیه پێكانین. بالكشانده سه‌ر وێ یه‌كێ ژى ئه‌و كۆمیته ژ نوونه‌رێن ئێراقییه و هه‌ڤپه‌یمانا ئالیى یێن كوردستانێ و باسكێ ئه‌حرار هاتیه پێكانین و كه‌سه‌كێ سه‌ربخوه ژى تێده‌یه. سه‌رۆكى فراكسیۆنا ئێراقییه ئه‌شكه‌رى ژى كر كو ئێراقییه ناخوازه سه‌رۆكێ هوكوومه‌ت ژ دوو گه‌را بێتر د ده‌ستهه‌لاتێ ده بمینه و ته‌نێ یه‌ك گه‌ر نۆرماڵه.
ته‌كه‌ز ل سه‌ر وێ یه‌كێ ژى كر كو سه‌پاندنا ده‌ستهلاتێ ژبال كه‌سه‌كى یان گروپه‌كێ ڤه نایێ قه‌بولكرن ژبه‌ر كو نها ده‌مۆكراسى ل ئێراقێ ده‌ست پێ كریه. هه‌ر د داخویانیێ ده ژبۆ رۆژنامه یا ره‌ئى یا كوێتى عه‌لاوى گۆت. مه ل دژى رژێما سه‌دام حوسێن ژبۆ هه‌یاما سیه سالان شه‌ر كر كاره‌كێ لۆژیكى نینه پشتى وى شه‌رى جاره‌كى دن رژێمه‌كه ده‌كتاتۆرى بێته دامه‌زراندن.
