وەزیری دەرەوەی ئەمەریكا : كەلێنی نێوان ئیسرائیل و فەڵەسـتینیـیەكان كەمكراوەتەوە

VOA News-KDP.info/وەزیری دەرەوەی ئەمەریكا جۆن كێری دەڵێت ئیسرائیل و فەڵەسـتینیـیەكان زیاتر لە یەك نزیكبوونەتەوە بۆ دەسـتپـێـكردنەوەی وتووێژەكانی ئاشـتی نێوانیان.

لە كۆنگرەیەكی ڕۆژنامەوانی هاوبەش لەگەڵ ناسر جەودە هاوتا ئوردنیـیەكان لە عەممانی پایتەخت، كێری ئەمەی راگەیاند پاش كۆبوونەوەی لەگەڵ مەحمود عەباس سەرۆكی فەڵەسـتینیـیەكان و لیژنەی دەسـتپـێشخەری عەرەبی كە بریتیـیە لە نەبیل ئەلعەرەبی سكرتێری گشـتی كۆمكاری عەرەب و ژمارەیەك وەزیر و نوێنەرانی وڵاتانی عەرەب.

كێری گوتی : پاش كار و هەوڵێـكی زۆر توانیمان كەلێنی نێوان هەردوولا زۆر كەم بكەینەوە.