بەخشینا ئەندامین لەشی لدهوكێدهیتە گەنگەشەكرن
دهوك- - تایبەت ب KDP.info/ به‌خشینا ئه‌ندامێن له‌شی ل هه‌رێما كوردستانێ چو قانوون نینن خه‌لكی هان بده‌ن ب ڤی كاری راببن، خه‌لكه‌كی پێدڤی ب هشیاری و ره‌وشه‌نبیركرنێ هه‌یه داكو بزانن پشتی مرنا خوه ژی مفای ل خه‌لكه‌كی بكه‌ن، ده‌زگه‌هێن ساخله‌میێ ژی نوكه ل هه‌مبه‌ر وێ چه‌ندێ نه كو فشارێ ل لایه‌نێ، ئایینی و قانوونی و جڤاكێ مه‌ده‌نی بكه‌ن داكو فه‌توا و قانوونێن تایبه‌ت بۆ ڤێ چه‌ندێ هه‌بن، ئه‌ڤه هێڤێنێ ووركشوپه‌كێ بوو كو ساخله‌میا دهۆكێ ب پشكداریكرنا زانكۆ و دادگه‌ه و زانایێن ئایینی و په‌رله‌مانتار و جڤاكێ مه‌ده‌نی ل دهۆكێ سازكر.
بسپوری نشتەرگەریین گشتید.عه‌بدوللا سه‌عیدگوتی : گه‌له‌ك ئاسته‌نگ هه‌نه كو چاندنا ئه‌ندامان نه‌بیته كولتور ژوانژی نه‌بوونا چو فه‌توایێن شه‌رعی و چ قانوونان ل دۆر خوبه‌خشین و چاندنا ئه‌ندامان و دیسا نه‌بوونا چو پلانێن ستراتیژی و هه‌وێن هشیاریێ ل دۆر بابه‌تی و خواست كو فه‌توایێن ئایینی هه‌بن و قانوونا چاندنا ئه‌ندامان یا عیراقی ئه‌وا ژماره 85 یا سالا 1986 ژلایێ په‌رله‌مانێ كوردستانێ بهێته نووكرن و ده‌ست ب پرۆگرامه‌كێ نیشتمانی بهێته كرن ژلایێ وه‌زاره‌تا ساخله‌میێ بۆ ڤێ مه‌ره‌می.
دیسان رێڤه‌به‌رێ ئه‌وقافا دهۆكێ مه‌لا جیهاد حه‌سه‌ن بێسفكی دیاركر كو ژلایێ ئایینێ ئیسلامێ سێ بۆچوون هه‌نه بۆ به‌خشینا ئه‌ندامێن له‌شی و گۆت: هنده‌ك زانا دبێژن كو ب چو ره‌نگه‌كی نابیت كو پالپشتیێ ل سه‌ر حه‌دیسه‌كا پێغمبه‌ری(س.خ) كو دبێژیت: كسرعڤم المیت ككسرالحیاه ئانكو هه‌كه تو هه‌ستیێ مریه‌كی بشكێنی وه‌كو ته شكاندی یێ ساخ و هنده‌ك ژی دبێژن كو مرۆڤ مولكێ خودێ یه و نابیت سه‌ره‌ده‌ریێ دله‌شێ خوه دا بكه‌ت.
هنده‌ك زانا ژی دبێژن گه‌له‌ك یا دروسته و دبێژن هه‌كه مرۆڤ دلێ خوه بۆ ئێكی ببه‌خشیت هه‌تا دمرنێ دا و بزانیت كو پشتی وی دێ شوول كه‌ت ئه‌ڤه خێره‌كا مه‌زنه و دبێژن چاوا خودێ مال دایێ و ماف هه‌یه سه‌ره‌ده‌ریێ ل گه‌ل بكه‌ت وه‌سا مافێ هه‌ی سه‌ره‌ده‌ریێ دله‌شێ خوه‌دا ژی بكه‌ت و ره‌ئیا سیێ كو بۆچوونا دروسته و هه‌موو زانا ل سه‌ر رێككه‌فتین ئه‌وه كو دبێژن دروسته به‌لێ ل دووڤ هنده‌ك مه‌رجا و ژوان مه‌رجا ژی كو پێدڤیه مرۆڤێ ساخ ب رازیبوونا خوه بده‌ت و نه‌فرۆشیت ئانكو ببه‌خشیت و هه‌كه دیاریه‌كێ وه‌ربگریت ژی تشته‌كێ نۆرماله.
