چەندین پروژە ل ناحیا بامەرنێ دهێنە بجهكرن

ئامێدیێ- KDP.info/ دبه‌رده‌وامیا بجهكرنا پڕۆژه‌یێن خزمه‌تكاری لسنورێ‌ ناوچه‌یا بامه‌رنێ ئەوا سەر ب قەزا ئامێدیێ ڤە نها ژماره‌كا پڕۆژه‌یان ب گوژمه‌یێ‌ زێده‌تر ژ ملیار و نیڤا دهێنه‌ ئه‌نجامدان .

دڤی واریدا ئه‌یسه‌ر جه‌رجیس ناوچه‌دارێ‌ بامه‌رنێ‌ بو kdp.infoراگه‌هاند،رێكێن نافخۆ وه‌ك قۆناغا ئێكێ‌ ب درێژاهیا 2240م و ب گوژمه‌یێ‌669ملیۆن دیناران، دیسا بجهكرنا قۆناغا دووێ‌ ژ رێكێن نافخۆ ب درێژاهیا 570م و ب گوژمه‌یێ‌ 255ملیۆن دیناران، هه‌روسا بجهكرنا ئاڤاهیێ‌ بنگه‌هێ‌ پۆلیسێن بامه‌رنێ‌ لسه‌نته‌رێ‌ بامه‌رنێ‌ ب گوژمه‌یێ‌ 285ملیۆن دیناران.
ئه‌یسه‌ر زێده‌تر دبێژیت: ل رۆژێن داهاتی رێڤه‌به‌رییا سه‌خبێری و پاراستنا رێك وپرا ل دهۆكێ‌ دێ‌ ده‌ست ب سه‌خبێركرنا رێكا بامه‌رنێ‌ وگوندێ‌ ئینشكێ‌ كه‌ت ب درێژاهیا 11كم و ئه‌ڤ پڕۆژه‌ هاتییه‌ راگه‌هاندن لێ‌ چ كۆمپانیا وه‌رنه‌گرتییه‌، به‌لكو ژی ب ره‌نگه‌كێ‌ راسته‌وخۆ رێڤه‌به‌رییا سه‌خبێری و پاراستنا رێك وپرا بكارێ‌ بجهكرنێ‌ رابیت و گوژمه‌یێ‌ پارێ‌ بۆ هاتییه‌ ته‌رخانكرن تانها نه‌هاتییه‌ زانین، لێ‌ ره‌نگه‌ زێده‌تر ژ دو ملیار دینارابیت وئه‌ڤ رێكه‌ دێ‌ ده‌ڤه‌ردارییا زاخۆ و هه‌موو ده‌ڤه‌را ئامێدیێ‌ پێكڤه‌ گرێده‌ت ژبه‌ركو رێكه‌كا سه‌ره‌كییه‌ و گه‌له‌ك بێسه‌روبه‌ربوویه‌ و رۆژانه‌ هاتووچویه‌كا به‌رچاڤ لسه‌ر دهێته‌كرن.