جێگرێ پارێزگه‌رێ دهوكێ وشانده‌كێUNDPگه‌نگشا پروژێن گه‌شه‌پێدانێ دكه‌ن

دهوك-KDP.info/ ئه‌ڤرو سپێدێ به‌رێز به‌هزاد عه‌لی ئاده‌م جێگرێ پارێزگه‌رێ دهوكێ پێشوازیا شانده‌كێ رێكخراواUNDP ب سه‌روكاتیا( لوئه‌ی شه‌بانه‌ ) به‌رپرسێ به‌رنامێن رێكخراوێ لعیراقێ كر. دهه‌ڤدیتنه‌كێدا ب ئاماده‌بونا چه‌ند رێڤه‌به‌رێن فه‌رمانگه‌هێن میری به‌حسێ به‌رنامێن گه‌شه‌پێدانێ یێن رێكخراوێ ل پارێزگه‌هێن هه‌رێما كوردستانێ وعیراقێ ب گشتی هاتنه‌ كرن. به‌رپرسێ به‌رنامێن رێكخراواUNDP لعیراقێ دیاركر كو رێكخراوێ لبه‌ره‌ پارێزگه‌هه‌كێ ل هه‌رێمێ ودوو پارێزگه‌هان ل عیراقێ ده‌ست نیشان كه‌ت بو ئه‌نجامدانا پروژێ پێشئێخستنا سیسته‌مێ خزمه‌تكاریێن ئه‌لكترونی ومه‌شقدانا هنده‌ك كارمه‌ندان ل سه‌ر چاوانیا ب كار ئینانا وی سیسته‌می ل سه‌ر كه‌رتێ گشتی ویێ تایبه‌ت بو وێ یه‌كێ خزمه‌تكاری بله‌ز وب ساناهیتر بهێنه‌ پێشكێشكرن. جێگرێ پارێزگه‌رێ دهوكێ خوشحالیا ب به‌رنامێ هان دیاركر وخواست كو رێكخراوا UNDP هه‌ڤكاریێ دگه‌ل فه‌رمانگه‌هێن په‌یوه‌ندیدار بكه‌ت بو بجهكرنا وی به‌رنامه‌ی وپشته‌ڤانیا پارێزگه‌هێ نیشان دا بو هه‌ر هه‌ڤكاریه‌كێ.