رێكین ناڤخویی ین سەرسنكی دهێنە چیكرن

ئامیدیی-   تایبەت ب KDP.info/دبه‌رده‌وامیا بجهكرنا پڕۆژه‌یێن خزمه‌تكاری ل سنۆرێ‌ ناوچه‌یا سه‌رسنكێ‌ نها ب گوژمه‌یێ‌ زێده‌تر ژ ملیار دیناران جاده‌یێن ناڤخۆ ل سنۆرێ‌ ناوچه‌یا سه‌رسنكێ‌ دهێنه‌ بجهكرن.
هۆگر زوهێر مسته‌فا سه‌رۆكێ‌ باژێرڤانییا سه‌رسنكێ‌ ب وه‌كاله‌ت راگه‌هاند، لسه‌ر بودجا سالا2011 نها چه‌ندین جاده‌یێن ناڤخۆ دهێنه‌ بجهكرن ژ وان سه‌خبێركرنا رێكێن ناڤخۆ و گه‌شتوگوزاری ل سه‌رسنگێ‌ ب گوژمه‌یێ‌ 568 ملیۆن و 290 هزار دیناران و ماوێ‌ پڕۆژه‌یی 100رۆژن و درێژاهی 1360م و كۆمپانییا مان ب كارێ‌ بجهكرنێ‌ رابوویه‌ و پڕۆژه‌ دقۆناغێن داویێ‌ دایه‌، بجهكرنا رێكێن ناڤخۆ ل تاخێ‌ به‌فرین و تاخێ‌ ئاشۆر ب درێژاهییا 1383م و ب گوژمه‌یێ‌ 455 ملیۆن و41 هزار و 250 دینارا و كۆمپانییا مێرگه‌تی بریاره‌ دهه‌یاما 300 رۆژاندا پڕۆژه‌یی ب داوی بینیت و بكه‌ڤیته‌ دخزمه‌تا وه‌لاتیاندا.
هۆگری زێده‌تر دیاركر گوژمه‌یێ‌ هاتیه‌ ته‌رخانكرن بۆ بجهكرنا ڤان پڕۆژه‌یان ملیاره‌ك و 23 ملیۆن دینارایه‌ و بجهكرنا ڤان پڕۆژه‌یان تایبه‌ت خۆشكرنا رێكێن ناڤخۆ دێ‌ مفایه‌كێ‌ به‌رچاڤ گه‌هینیته‌ وه‌لاتیان چونكی جاده‌ دكه‌ڤن و بێسه‌روبه‌ربووینه‌ و پێدڤی ب سه‌خبێركرنێ‌ بوون