شانده‌كێ رێكخراوا یونسێف وپارێزگه‌رێ دهوكێ ل دور ره‌وشا زاروكێن كه‌مپا دومیز گه‌نگه‌شێدكه‌ن
دهوك- تایبەت ب KDP.info/ ته‌مه‌ر ره‌مه‌زان پارێزگه‌رێ دهوكێ كومبونه دگه‌ل شانده‌كێ رێكخراوا یونسێف ب سه‌روكاتیا خانم (له‌یللا ئه‌لره‌زوقى) نونه‌را سكرتێرێ(UN)(بانكى مون) بو دووڤ چونا كاروبارێن زاروكان سازكر. دكومبونێدا ب ئاماده‌بونا (به‌هزاد على ئاده‌م ) جێگرێ پارێزگه‌رێ دهوكێ ونونه‌رێن چه‌ند فه‌رمانگه‌هێن په‌یوه‌ندیدار ل دهوكێ به‌حسێ ره‌وشا رونشتڤانێن كه‌مپا دومیز تایبه‌تى ره‌وشا زاروكێن ناڤا كه‌مپێ وئه‌و خزمه‌تا كارگێریا پارێزگه‌هێ ب هه‌ڤاكارى دگه‌ل سازیێن مروڤایه‌تى بو خه‌لكێ كه‌مپێ پێشكێشدكه‌ن ب گشتى هاته كرن... پارێزگه‌رێ دهوكێ ته‌كه‌ز كر كو ئه‌وبه‌رده‌وام هه‌موو جوره هاریكاریا پێشكێشى په‌ناهندێن لناڤ كه‌مپێ وده‌رڤى كه‌مپێ دكه‌ن ب تایبه‌تى زاروكان وژسازیێن(UN) ومروڤایه‌تى خواست كو دهاریكاربن دگه‌ل پارێزگه‌ها دهوكێ بو پركرنا هه‌ر كێماسییه‌كا هه‌بیت كو ره‌وشا ئاواران بگشتى ویا زاروكان ب تایبه‌تى بهێته باشكرن لناڤ كه‌مپێ وده‌رڤه‌ى كه‌مپێ. ژلایێ خوڤه نونه‌را سكرتێرێ(UN)(بانكى مون) بو دووڤ چونا كاروبارێن زاروكان خوشحالیا دیاركر هه‌مبه‌ر ئه‌و هاریكاریا پارێزگه‌ها دهوكێ بو په‌ناهندا وزاروكان پێشكێشكدكه‌ن وداخازكر كو راپورته‌ك ل دور پێدڤیێن كه‌مپێ نه‌خاسمه پێدڤیێن زاروكان ژرویێ په‌روه‌ردێ وساخله‌میێ بهێته ئاماده‌كرن دا ئه‌وژى ل ڤه‌گه‌ریانێ پێشكێشى به‌رپرسێنUN بكه‌ن دا هاریكاریا پێدڤى بو زاروكێن كه‌مپێ بكه‌ن... هه‌ژى گوتنێ یه ل دووڤ ئامارێن فه‌رمى تا نوكه نێزیكى (112) هزار په‌ناهندێن كوردێن سورى هاتینه هه‌رێما كوردستانێ وپتریا وان ل كه‌مپا دومیز بنه‌جه بوینه.
