سه‌رسنك.. تا نها 11341 كه‌سان سه‌را بنگه‌هێ تۆماركرنا ناڤێن ده‌نگده‌ران نه‌دایه
ئامێدیی-KDP.info/ ب مه‌ره‌ما ئاسانكرن و هاریكاریكرنا وه‌لاتیێن مافێ ده‌نگدانێ هه‌یی د هه‌لبژاڕتنێن په‌ڕله‌مانی دا بۆ پشتراستبوونا وان و هه‌بوونا ناڤێن وان دتۆمارێن ده‌نگدانێدا كۆمسیۆنا بلندا سه‌ربه‌خۆیا هه‌لبژارتنان ئۆفیسا دهۆك چه‌ندین بنگه‌ه ڤه‌كرینه ل ناوچه‌یا سه‌رسنكێ ژی بنگه‌هه‌ك هاتییه ڤه‌كرن و12447 كه‌سان مافێ ده‌نگدانێ هه‌یه لێ سه‌ره‌دانا وه‌لاتیان یالاوازه و دئاستێ پێدڤی دانینه.
جاندار یه‌زدین ئیبراهیم به‌رپرسێ بنگه‌هێ تۆماركرنا ناڤێن ده‌نگده‌ران ل سه‌رسنكێ راگه‌هاند، بۆ هه‌یاما 15 رۆژایه ئه‌ڤ بنگه‌هه هاتییه ڤه‌كرن و رۆژانه بۆ ده‌مێ هه‌شت ساتان یێ ڤه‌كرییه بۆ وه‌لاتییان داكو سه‌ره‌دانا بنگه‌هی بكه‌ن و سه‌حكه‌نه ناڤێن خوه داكو ل رۆژا ده‌نگدانێ ژ مافێ خوه بێ به‌هر نه‌بن د هه‌یاما 15 رۆژان دا ژ سه‌رجه‌مێ 12447 كه‌سان ب ته‌نێ 1106 كه‌سا قه‌ستا مه كرییه و سه‌حكرییه ناڤێن خوه.
ناڤهاتی گۆتژی سه‌ره‌دانا وه‌لاتیان یا لاوازه و ئه‌م نوزانین سه‌ده‌م چنه و ب ته‌نێ چار رۆژ یێن ماین دێ ئه‌ڤ ده‌مه ب داوی هێت، جانداری دیاركر تا نها چ ئارێشه بۆ مه په‌یدا نه‌بووینه و تا نها ب ته‌نێ ناڤێ كه‌سه‌كێ نه‌هات بوو، ئه‌وژی دێ هێته‌چاره‌كرن و ئه‌و وه‌لاتیێ داخوازا ڤه‌گوهاستنا بنگه‌هێ خوه‌یێ ده‌نگدانێ دكه‌ت ئه‌م بۆ ڤه‌دگوهێزین و پێدڤییه كه‌سێ قه‌ستا بنگه‌هێ مه دكه‌ت پسۆلا ئه‌رزاقی و ناسنامه‌یا بارێ شارستانی دگه‌ل خوه بینیت.
دازانین ژی تیمه‌كێ گه‌رۆك هه‌یه قه‌ستا ده‌ڤه‌ران دكه‌ت و بۆ وان وه‌لاتیێن ده‌مێ سه‌ره‌دانێ نه‌یی و سه‌ره‌دانا قه‌دش كربوو و ئه‌ڤ تیمه دێ به‌رده‌وام بیت ل رۆژێن داهاتی و ده‌وام ل رۆژێن ئه‌ینی و شه‌مبی ژی هه‌یه.
