ئێستگه‌هه‌كا كه‌شناسیێ ب كوژمێ 318 ملیون دیناران لمانگیشكى هاته‌ دانان

دهوك- تایبەت - KDP.info/ ئه‌ڤرو ل ناحیا مانگێشكێ ئێستگه‌هێ كه‌شناسیێ ب كوژمێ 318 ملیون دیناران لسه‌ر بودجا حكومه‌تا هه‌رێما كوردستانێ ب به‌رهه‌ڤبوونا  ئازاد عمر سه‌روكێ دیوانا وه‌زاره‌تا ڤه‌گوهاستن وگه‌هاندنێ ودگه‌لدا هژماره‌كا به‌رپرسێن میرى وحزبى هاته‌ ڤه‌كرن كو ب ره‌نگه‌كێ ئوتوماتیكى ره‌وشا سه‌قاى ورێژا بارینا به‌فروبارانێ دپیڤیت كو ڤێ چه‌ندێ ژلایێ زانستى ڤه‌ دێ چه‌ندین مفایێن خو بو خه‌لكێ ده‌ڤه‌رێ ب گشتى وجوتیارن ب تایبه‌تى هه‌بیت.

به‌یار ئه‌مین به‌رپرسێ‌ وه‌ستگه‌هێن كه‌شناسیێ‌ ل پارێزگه‌ها دهۆكێ‌ گۆت: پڕۆژه‌یێ‌ هه‌ردو وه‌ستگه‌هێن كه‌شناسیێ‌ یێن ئۆتۆماتیكی ل هه‌ردو ناوچه‌داریێن بامه‌رنێ‌ و مانگێشكێ‌ بگوژمه‌یێ‌ 387ملیۆن دیناران دێ‌ هێنه‌ ڤه‌كرن.
به‌رپرسێ‌ وه‌ستگه‌هێن كه‌شناسیێ‌ ل پارێزگه‌ها دهۆكێ‌ ئه‌و یه‌ك ژی دیاركر كو هه‌ردو وه‌ستگه‌هـ گه‌له‌ك دپێشكه‌فتی و ئۆتۆماتیكن و هه‌موو سه‌رێن ساتان پێزانینان بۆ سێرڤه‌رێ‌ سه‌ره‌كی ل دهۆك و هه‌ولێرێ‌ دهنێرت و هه‌ردو وه‌ستگه‌هـ ژ كۆما 9 وه‌ستگه‌هێن ژڤی جورێ‌ ئۆتۆماتیكن ل هه‌رێما كوردستانێ‌ هاتینه‌ دانان بۆ كۆمكرنا پێزانینان ل دۆر (رێژه‌یا بارانان و پله‌یا گه‌رماتیێ‌ و شه‌هێ‌ و هه‌لمێ‌ و له‌زاتیا بای).