خیڤەتگەها پێكڤە ژیانێ بو نەتەوە و ئایێن دەڤەرا سێملێ هاتە ڤەكرن
دهۆک- تایبەت ب KDP.info/ رێكخراوا كەسكە و سور یا پێكڤە ژیانێ و ب هەڤكاری دگەل جڤاتا رێكخراوێن نەحكومی ل هەرێما كوردستانێ ل دەمژمێر 11 سپێدەیا ئەڤرۆ ب ئامادەبونا مازن محەمەد سەعید قایمقامێ قەزا سێمێلی و حەمید باڤی ئەندامێ جڤاتا نونەرین عیراقا فیدرال و كەسایەتێن ئاینی یێن ئیزدی و موسلمان و مەسیحیان و هژمارەكا گەنجێن دەڤەرێ ڤەكر و ئەڤ خیڤەتگەهە بو ماوێ حەفت روژا دێ بەردەوامبیت.
مازن محەمەد سەعید قایمقامێ قەزا سێمێلێ دپەیڤەكێ دا بەحسێ پێكڤە ژیانا گشت نەتەوە و ئایین ل دەڤەرێ كرن و گوت ل كەڤندا ئاشوری و موسلمان ئێزدی ئەرمەن ژ كورد و عەرەبان ل ڤێ دەڤەرێ ژیانە هەمی دەمەكی ب برایانە و پێ ئاریشە دگەلێك دا ژیانە، بەردەوام پەیدەودیێن وان د ئاستەكێ باش دابونە.
دكتور حەمید باڤی ژی خویاكر كو ل سەر دەمێن شورەشێن كەڤن یێن كوردی هەمی ئایێن و نەوتوەیێن كورد ب دلەكێ خوش بەرگیری ل ئاخا هەرێما كوردستانێ كریە، نوكە ژی كوردستان خیڤەتگەهەكا مەزن بو پێكڤە ژیانا گشت ئایێن و نەتوەیان، بەردەوام ئەڤ پەیوەندی یە بەرڤ پێشڤە دچن.
نایف عەلی عەبو رێڤەبەرێ رێكخراوا كەسكە سور یا پێكڤە ژیانێ بو kdp.infoگوت: خیڤەتگەها پێكڤە ژیانا نەتەوەیان ب پشكداریا 80 گەنچا ژ كرو كچێن دەڤەرا سێمێلێ ژ موسلمان و یەزیدی و مەسیحی و قەرەچا و كوردێن روژئاڤایێ كوردستانێ ل كەمپا دومیز ل پاركا ڤەراشین ل سێمێلێ هاتە ڤەكرن بو ماوێ حەفت روژا دێ بەردەوامبیت، دڤان روژان دا 42 سمینار ل دور پرەنسیپێن پێكڤە ژیانا ئولی و نەتەوەیێ ژلایێ ئاینی و زانستی و نەتەوەیی و ژلایێ ماموستا و بسپورێن شارەزا ڤە دێ بو ئاما دەبویان دهێنە پێشكێشكرن.
