نێچیرڤان بارزانی بەرێ بنیاتی بو نەخوشخانا 300 تەختی یا زاروك بونێ ل دهۆكێ دانا
ل دەمژمێر سێ ئێڤاریا ئەڤرۆ رێزدار نێچیرڤان بارزانێ سەروكێ حكومەتا هەرێما كوردستانێ ب ئامادەبونا عیماد ئەحمەد جێگرێ سەروكێ حكومەتێ و وەزیرێ ساخلەمیێ و هژمارەكا زورا رێڤەبەرێن میری و پارێزگەرێ دهۆكێ بەرێ بنیارتی بو نەخوشخانا 300 تەختی یا ئافرەت و زاروك بونێ ب كوژمێ 63 ملیار دینارا دانا.
نێچیرڤان بارزانی سەروكێ حكومەتا هەرێما كوردستانێ د پەیڤەكێ دا دگەل رێڤەبەرێ گشتی یێ ساخلەمیێ ل پارێزگەها دهۆكێ و لایەنێن پەیوەندیدار بەحسێ گرنگیا پروژێ ناڤبری كر و خواست ئەو نەخوشخانە ل دەمێ خویێ دەستنیشانكری دا بهێتە ئەنجامدان و بكەڤیتە دخزمەتا خەلكێ دهۆكێ دا.
پاشان شاندێ حكومەتا هەرێما كوردستانێ و ب یاوەریا سەروكێ حكومەتێ نێچیرڤان بارزانی سەرەدانا قەزا ئامێدیێ كرن و بریارە بەرێ بنیاتێ بو نەخوشخانا 100 تەختی یا دێرەلوكێ دانیت و ئەو سوزا سەروكێ حكومەتێ د حەفتیا بوریدا دایە خەلكێ سنورێ ناحیا دێرەلوكێ بجه ئینا بەرێ بنیاتێ بو نەخوشخانا 100 تەختی هەر ل جهێ وێ یێ بەرێ هاتە دانان.
