فیستەڤالا میر جەلادەت بەدرخان ل دهۆكێ هاتە سازكرن

دهوك-KDP.info/ رێڤەبەریا گشتی یا رەوشەنبیری و هونەری و وەرزش و لاوان ل پارێزگەها دهۆكێ ب هەڤكاری دگەل پارێزگەها دهۆكێ ڤیستەڤالەك بو میر جەلادەت بەدرخان ل دهۆكێ سازكر.

سپێدەیا ئەڤرۆ ب ئامادەبونا هژمارەكا زورا رەوشەنبیر و نڤیسكار و ئەدیب و رونكابیریێن پارێزگەها دهۆكێ وهەر چار پارچێن كوردستانێ و ئامادەبونا كچا میر جەلادەت سینەم خان و رێڤەبەرێن گشتی یێن دام و دەزگەهێن حزبی و حكومی ل پارێزگەها دهۆكێ ئێكەم روژا ڤیستەڤالێ دەستپێكر، پشتی پەیڤێن جودا جودا ل سەر ژیانا سیاسی یا میر جەلادەت هاتینە خواندن، دو پارچە فلمێن دوكیومێنتی ل سەر ژیانا جەلادەت بەدرخان هاتنە پێشاندان.

پاشان سینەم خان كچا میر جەلادەت بەدرخان د پەیڤەكێ دا سوپاسیا رێڤەبەریا گشتێ یا رەوشەنبیری و هونەری و خەلكێ پارێزگەها دهۆكێ كر بو ئەنجامدانا ڤیستەڤالێ، و گەلەك بیرهاتنێن خو دگەل جەلادەت بو ئامادەبویان ڤەگێران.

 kdp.infoئیسماعیل تاهر جانگیر ئەندامێ لژنا بلند یا سەر پەرشتا ڤیستەڤالێ بو

 گوت ئارمانج ژ ئەنجامدانا ڤێ ڤیستەڤالێ ئەوە خەباتا بنەمالا بەدرخانیان بو گەنجێن نوكە بدەینە ئاشناكرن، خەباتا بەدرخانیا بەرچاڤبكەین و لژنا ڤیسەڤالێ دو پەرتوك چاپكرن ل سەر ژیانا وان ل سەر ئامادەبویان بەلاڤكرن، بو ماوێ دو روژا دێ یا بەردەوامبیت و چەندین سمینار ل سەر ژییانا بنەمالا میر جەلادەت یاسیاسی و رەوشەنبیری دهێنە پێشكێشكرن، و چەندین زانیاری ژی هاتنە دیاركرن.