میسر.. لە هێرشێكی چەكداریدا 4 كەسی شیعە مەزهەب كوژران

میسر-KDP.info/ بە گوێرەی چەند سەرچاوەیەكی ئەمنی میسر، لە ئاكامی هێرشێكی چەكداری سوننە مەزهەب بۆ سەر ماڵی سەركردەیەكی شیعە مەزهەب لەو وڵاتە چوار كەسی شیعە مەزهەب كوژران. وەك سەرچاوەكان روونیان كردەوە، ژمارەیەك چەكداری سوننە مەزهەبی دانیشتووی گوندی عەزبەی ئەبو موسلم سەر بە پارێزگای جیزەی دەورووبەری شاری قاهیرە گەمارۆی ماڵی سەركردەیەكی شیعە مەزهەبیان دا كە لەو كاتەدا سەركردەكە چاوپێكتنی ئاینی لەگەڵ كۆمەڵێ شیعە مەزهەب هەبوو دواتر ئەو چەكدارانە بە دەست رێژی گوللە هێرشیان كردە سەر ماڵەكە و لە ئاكامدا چوار كەسی شیعە مەزهەب كوژران و چواری دیكەش برینداربوون.