شاندێ هه‌رێما ئاراد یا رومانیا سه‌راچه‌ند جها ل پارێزگه‌ها دهوكێ دا
دهۆك-KDP.info/ ل دووف وێ رێكه‌فتنا تێگه‌هشتنێ یا ل ناڤه‌راستا مه‌ها ده‌ربازبوى دناڤبه‌را پارێزگه‌رێ دهوكێ وسه‌روكێ هه‌رێما ئاراد یارومانیا دا هاتیه موركرن ژبو خوشكرنا په‌یوه‌ندیا دوارێن جودا جودا دا وئالوگوركرنا سه‌ره‌دانا ئه‌ڤرو سپێدێ 23-6-2013سه‌وركێ هه‌رێما ئاراد ل وه‌لاتێ رومانیا به‌رێز (ئیو تسو پیترو نیكولایى) وشاندێ دگه‌لدا سه‌را پارێزگه‌ها دهوك دا ول كوچكا مێهڤانداریا شاندێ ناڤبرى ژلایێ به‌رێز ته‌مه‌ر ره‌مه‌زان پارێزگه‌رێ دهوكێ وچه‌ند رێڤه‌به‌رێن فه‌رمانگه‌هێن میرى پێشوازیا لێ هاته كرن...
دهه‌ڤدیتنه‌كێدا پارێزگه‌رێ دهوكێ خوشحالیا خو ب سه‌ره‌دانا شاندى دیاركر وخواست ناڤه‌روكا رێكه‌فتنا تێگه‌هشتنێ یا كو دگه‌ل هه‌رێما ئاراد هاتیه موركرن ژئه‌ڤرو پێدا ب پراكتیك بكه‌ڤیته دوارێ بجهكرنێ دا..
ژلایێ خوڤه سه‌روكێ هه‌رێما ئاراد ته‌كه‌ز كر كوهه‌ر ژ روژا ئێكێ یا رێكه‌فتنێ ئه‌وان هزركریه كو دێ ب پراكتیك دێ كه‌ڤیته دوارێ بجهئینانێ دا وئه‌ڤرو ئه‌م هاتینه بو خورتكرنا ناڤه‌روكا وێ رێكه‌فتنا تێگه‌هشتنێ دوارێ ئابورى بازرگانى وپیشه‌سازى وزانستى دا وته‌كه‌ز كر كو ب شێوه‌كێ پراكتیكى دێ باره‌گایێ نڤێسینگه‌ها ژورا بازرگانى یا ئاراد ل دهوكێ دێ هێته راگه‌هاندن...
پاش سه‌روكێ هه‌رێما ئاراد و پارێزگه‌رێ دهوكێ بو سازیێن راگه‌هاندنێ په‌یڤین ل به‌راهیێ ئیو تسو پیترو نیكولایى به‌رسڤا پسیارێن روژنامه‌ڤانان دا ول دورسه‌ره‌دانا شاندى گوت ...ئه‌ڤه پێنگاڤا دووێ یه پشتى شاندێ دهوكێ هاتیه هه‌رێما ئاراد وئه‌ڤه كێمتر ژمه‌هه‌كێ یه ل سه‌ر رێكه‌فتنا مه دگه‌ل پارێزگه‌ها دهوكێ ئه‌ڤرو ئه‌م ژى هاتینه كو سیاسه‌تمه‌دار وبازرگان وبزنسمان ونونه‌رێن دوو زانكویان وخودانێن كومپانیان ل ئاراد دگه‌ل مه‌دانه ئه‌ڤه وێ چه‌ندێ دیاردكه‌ت مه هه‌ردوو لا باش خو كاركریه دا پێنگاڤێن باش ب هاڤێژین ورێكه‌فتنا تێگه‌هشتنێ بجه بینین ... وئه‌ڤرو پێنگاڤێن پراكتیك دێ هێنه ئه‌نجامدان ئه‌وژى دێ تایه‌كێ ژورا بازرگانى یا رومانى ل دهوكێ ڤه‌كه‌ین دا په‌یوه‌ندیێن بازرگانى وئابورى باشتر بهێنه ئالوگوركرن ... ل دور مفایێن ئابورى یێن رێكه‌فتنێ وسه‌ره‌دانا شاندێ ئاراد ته‌مه‌ر ره‌مزان پارێزگه‌رێ دهوكێ گوت ... هه‌ر دسه‌ه‌ردانا مه یا ئێكێ دا بو هه‌رێما ئاراد دوو زانكویێن وان ئاماده‌یا خو ده‌ربرى بو وه‌رگرتنا 6قوتابیان یان پترا ژبلى وێ هنده‌ك كومپانیێن وان به‌رهه‌ڤیا خو دیاركریه كو كارگه‌هێن خو ل پارێزگه‌ها دهوكێ ڤه‌كه‌ن ئه‌ڤه‌ژى دێ ده‌لیڤێن كارى بو خه‌لكێ مه ڤه‌كه‌ن ئه‌ز ل وێ باوه‌رێمه كو دئه‌ڤ ساله‌دا وسالێن بهێت كارێن باش دێ هێنه كرن وژلایێ ئابورى ڤه دێ مفایێن خو یێن باش هه‌بن ، دیسان كومپانیێن وان یێن تایبه‌ت دڤێن هه‌ڤركیێ دپروژێ هێلا ترامایێ یا هه‌رسێ پارێزگه‌هێن هه‌رێمێ بكه‌ن چونكو وان شاره‌زایى دڤى بوارى دا هه‌یه هه‌روه‌سا كومپانیێن وان دوارێ چاندنێ ژى دا دپێشكه‌فتى نه.
