بەرازیل.. لە خۆپێشاندان و توندوتیژییەكاندا 15 كەس برینداربوون

بەرازیل- KDP.info/ خۆپێشاندان و توندوتیژیەكانی بەرازیل بەردەوامی هەیە. لە مبارەیەوە سەرچاوەكانی هەواڵ بڵاویانكردەوە وێڕای بەدەنگەوەهاتنی دیلما رۆسیف سەرۆكی بەرازیل بۆ جێبەجێكردنی داواكاریەكانی خۆپێشاندەران، خۆپێشاندان لە شارەكانی هوریزونتی و سلفادۆر كە دوو شارن میوانداری یارییەكانی جامی كیشوەرەكانی لێدەكرێت، گرژی و ئاڵۆزیی بەخۆیەوە بینی و پازدە كەس برینداربوون كە لە نێوانیاندا چوار پۆلیس هەیە، هەروەها بۆ بڵاوەپێكردنی خۆپێشاندەران هێزە ئەمنیەكان گازی فرمێسك رێژیان بەكارهێنا. هاوكات خۆپێشاندان لە شارەكانی دیكەی وڵات بەردەوامی هەیە لە نێوانیاندا ساوپاولۆ.