پڕۆژه‌یێ ئاڤا گوندێن گركا و تشیش ل ناوچه‌یا كانیماسێ دێ هێتە چێكرن
ئامێدی-KDP.info/ ب ئارمانجا زێده‌تر خزمه‌تكرنا وه‌لاتیێن گوندنشین ل سنۆرێ ده‌ڤه‌را ئامێدیێ و پتر پێشڤه‌برنا ره‌وشا ژیانا وان، گوژمه‌یێ پتر ژ 275 ملیۆن دینارێن ئیراقی، بۆ ئه‌نجامدانا پڕۆژه‌یه‌كێ ئاڤێ ل گوندێن گركا و تشیش ل سنۆرێ ناوچه‌یا كانی ماسێ هاتنه ته‌رخان كرن .
د ڤی واری دا حسێن خالد ده‌ڤه‌ردارێ ئامێدیێ خویا كر، بمه‌ره‌ما كێمكرنا كێشه‌یێن كێم ئاڤیێ ل گوند و ناوچه‌یێن گرێدایی ده‌ڤه‌را ئامێدیێ، گه‌هاندنا پڕۆژه‌یێن ئاڤێ، بۆ گوندێن ڤێ ده‌ڤه‌رێ یا به‌رده‌وامه و گۆت: نها ژی گوژمه‌یێ 275 ملیۆن و 529 هزار دیناران بۆ پڕۆژه‌یێ ئاڤێ ل گوندێن گركا و تشیش ل سنۆرێ ناوچه‌یا كانی ماسێ هاتینه ته‌رخانكرن و دیار كر، ئه‌ڤ پڕۆژه‌یه بۆ كۆمپانییه‌كێ هاتییه هنارتن و بریاره د هه‌یاما 180 رۆژان دا بهێته بجهكرن و ئاشكرا كر، پڕۆژه‌یێ هان دێ لسه‌ر بودجه‌یێ گه‌شه‌پێدانا هه‌رێمان ڤه هێته ئه‌نجامدان و ته‌كه‌ز ژی كر، ب ئه‌نجامدانا ڤی پرۆژه‌یێ ئاڤێ دێ تا راده‌كێ باش ئاریشه‌یێن كێم ئاڤیێ ل گوندێن ناڤهاتی چاره‌سه‌ر كه‌ت.
