دهوك: دماوێ 24 ده‌م ژمێرێن بوری دا شه‌ش كه‌سان گیانێ خوه ژده‌ست دایه و5 كەس ژی برینداربووینە
دهوك- تایبەت ب KDP.info/ ل پارێزگەها دهوكێ ولدیڤ ئاخفتنا رێڤەبەرێ پولیسێن پاریزگەها دهوكێ دماوه‌یێ 24 ده‌م ژمێرێن بوری دا چه‌ندین رویدانێن جوره و جور رویدانه و ب ڤان رویدانا ژی (6) كه‌سان گیانێ خوه ژده‌ست داینه و 5 كه‌س ژی برینداربوینه.
عه‌مید تارق ئه‌حمه‌د رێڤه‌به‌رێ پولیسێن پارێزگه‌ها دهوكێ دكونگره‌یه‌كێ روژنامه‌ڤانی دا گوت: شڤێدی لده‌م ژمێر 9ی شه‌ڤ ل تاخێ kro ته‌قه ژلایێ كه‌سه‌كێ ڤه هاته كرن و پشتی پولیس ل وی جهی ئاماده‌بوین دیار بو كو دو ئافره‌ت د ترومبێله‌كێ دا لبه‌ر ده‌رێ مالا هاولاتی نزمی موسا هاتینه كوشتن كو ئه‌ڤی تاوانباری خه‌سیاخوه و هه‌ڤژیناخوه و خزمێ خوه كوشتی نه پاشان خوه‌ژی كوشتی یه و سێ كه‌س ژی برینداركرینه و ئه‌گه‌رێن رویدانێ ژی ڤه‌گه‌راند بو كێشه‌یه‌كا خێزانی.
و ئه‌ڤی تاوانباری ده‌مێ ئه‌ڤ هه‌ردوو ئافره‌ته كوشتین خوه دمالێ دا ئاسێ كربو بو ده‌مێ چه‌ند ده‌م ژمێران و پشتی پولیسیان چه‌ندین دانوستاندن ب رێكا ته‌له‌فونێ دگه‌ل كرین داكو خوه راده‌ستی پولیسان بكه‌ت و برێكا یاسایێ بهێته دادگه‌هرن لێ خوه راده‌ستی پولیسان نه‌كر.
و دوهی ئێڤاری ل ده‌ڤه‌را سێمێلێ هاولاتیه‌ك بناڤێ ئه‌حمه‌د ئیبراهیم پشتی دچیته ماسیا لسه‌ر سكری ده‌ڤ جه‌مبوری دئاڤێ دا دخه‌ندقیت و بێ سه‌روشوین دبیت و تانوكه‌ژی لاشێ وی نەهاتیە دیتن .
رێڤه‌به‌رێن پولیسێن پارێزگه‌ها دهوكێ ئاشكراكر كو دوهی ئێڤاری ژی ل قه‌زا زاخو ب ئه‌گه‌رێ شورته‌كێ ئاگر ب پانزیخانه‌یه‌كێ دكه‌ڤیت و شه‌ش ترێل دهێنه سوتن و دوو هاولاتی ژی ب گرانی برینداردبن وئاشكەرا ژی كر كو ئه‌ڤرو ژی سنیلەكێ 13 سالی لسه‌ر سكرێ دهوكێ كاره‌ب دگریت و دكوژیت .
