قەڵای سەڵاحەدینی ئەیوبی لە سوریا هەڕەشەی لەناوچوونی لەسەرە
سوریا–KDP.info/ شەش شوێنەواری مێژوویی لە سوریا کە لەلایەن رێکخراوی یۆنسکۆی سەر بەنەتەوەیەگرتووەکان کە بە ناوچەی گرنگی شوێنەواری جیهانی هەژمارکراون هەڕەشەی لە ناوچوونیان لەسەرە ، یۆنسکۆ لە بەیاننامیەکدا بڵاویکردوە . لە دیمەشق و حەلەب ، شوینەواری گرنگ هەن وەک قەڵای سەڵاحەدینی ئەیوبی و قەڵای کریستیانەکان و قەڵای پەرژینی و شوێنەواری رۆمەکان ، ئەمانە چەند ناوچەیەکی گرنگی شوێنەوارن لە سوریا و ئەو ناوچانە لەرووی میژووییەوە بۆ جیهان پر بایەخن و لەلایەن یۆنسکۆوە تۆمارکراون بە ئامانجی پاراستنیان، بەڵام بەهۆی شەڕی ناوخۆی سوریاوە هەڕەشەی لەناوچونیان لەسەرە و بەشێکیان بەتەواوی زیانی بەر کەوتووە، یۆنسکۆ لە بەیاننامەکەیدا داوا لەلایەنەکانی شەڕکار لەسوریا دەکات، ئەو ناوچانە لە بەڕەی شەڕەکانیانەوە دووربخرێنەوە و ئەو سامانە جێماوە بە نرخەی جیهان بپارێزن .
