سه‌ربه‌ست له‌زگین د پێشوازیكرنا ئێكه‌تیازانایێن ئیسلامێدا: رولێ هه‌وه‌ د هه‌می واراندابه‌رز دنرخینن

زاخو-KDP.info/ سه‌ربه‌ست له‌زگین ئه‌ندامێ جڤاتا سه‌ركردایه‌تیا پارتی دیموكراتی كوردستان و به‌رپرسێ لقێ 8ێ پارتی ل زاخۆ پێشوازی ل مه‌لا عه‌بدوللا مه‌لا سه‌عید سه‌رۆكێ ئێكه‌تیا زانایێن ئاینێ ئیسلامێ ل كوردستانێ و به‌رپرسێن لقێن پارێزگه‌هێن سلیمانیێ و دهوكێ یێن ئێكه‌تیا زانایێن ئاینێ ئیسلامێ و مه‌لا سه‌عید عه‌بدولره‌حمان رێڤه‌به‌رێ ئه‌وقاف و كاروبارێن ئاینێ ل زاخۆ و مه‌لا ئه‌حمه‌د شه‌رنه‌خی به‌رپرسێ لقێ زاخۆ یێ ئێكه‌تیا زانایێن ئاینێ ئیسلامێ كر.

د دیداره‌كێ دا شاندێ ناڤبری خوه‌شحالیا خوه‌ ب سه‌ره‌دانا ده‌ڤه‌را زاخۆ و لقێ 8ێ پارتی دیاركرن و راگه‌هاند كو مه‌ره‌م ژ ڤێ سه‌ره‌دانێ ئه‌وه‌ پتر ئاگه‌هداربین ل سه‌ر ره‌وشا ماموستایێن ئایینێ ئیسلامێ ل زاخۆ و په‌یداكرنا هه‌ڤنیاسینێ دناڤبه‌را ماموستایێن ئاینی ل پارێزگه‌هێن سلێمانیێ و هه‌ولێر و دهوكێ و هه‌روه‌سا ئاگه‌هداربین لسه‌ر ره‌وشا خوه‌ ئاماده‌كرنێ بۆ هه‌یڤا ره‌مه‌زانا پیرۆز و داكوكی ل سه‌ر گوتارا ئاینی یا ماموستایێن ئاینی بۆ په‌یداكرنا گیانێ ئاشتیێ و پێكڤه‌ژیانێ و زاخو ژی ب جهه‌كێ ستراتیژی و پێكڤه‌ژیانێ دانه‌ دیاركرن.

سه‌ربه‌ست له‌زگین به‌رپرسێ لقێ 8ێ پارتی خۆیاكر كو ئه‌و رولێ ماموستایێن ئاینی د هه‌می وارێن ژیانێ دا به‌رز دنرخینن دناڤ جڤاكی دا و هیڤی خواست كو ئه‌ڤ جوره‌ سه‌ره‌دانه‌ به‌رده‌وام بن و داكوكی ل سه‌ر خورتكرنا هه‌ماهه‌نگیێ كرن.