وەزارەتی پەروەردە رەتیدەکاتەوە ئەو قوتابیەی نمرەکەی 43بێت بۆی بکرێت بە 50
ھەولێر- تایبەت بەKDP.INFO/ وتەبێژی وەزارەتی پەروەردەی حکوومەتی ھەرێمی کوردستان رەتیدەکاتەوە، ئەو قوتابیەی نمرەکەی 43بێت بۆی بکرێت بە50و دەشڵێت: ئەم ھەواڵە دوورە لەراستییەوە.
ھاجەر داود وتەبێژی وەزارەتی پەروەدەی حکوومەتی ھەرێمی کوردستان بە kdp.infoراگەیاند: ئەم دەنگویانە دوورن لە راستی و ھەموو لایەک ئاگادرا دەکەینەوە کە بە ھیچ شێوەیەک دەستکاری نمرەکان ناکرێت، ھەر قوتابییەک بە پێی وەڵامەکانی نمرەکانی پێدەدرێت.
ئەمەش لە کاتێکدایە دەنگۆی زیادبوونی نمرەی قوتابیانی پۆلی 12ئامادەیی لە راگەیاندنەکان و لە ناو قوتابیان بڵاوبۆتەوە، کە گوایە ھەر قوتابییەک بەشداری تاقیکردنەوەکانی خولی یەکەمی کردبێت و لە ھەر وانەیەکدا نمرەکەی 43بێت، ئەوە راستەوخۆ نمرەکە دەبێتە 50. وەک ھاوکاریەک بۆ قوتابیان، بەڵام بەرپرسانی وەزارەت ئەم دەنگۆیە بەناراست وەسف دەکەن.
