سه‌رۆكێ حكومه‌تا هه‌رێمێ سه‌را قه‌زا ئامێدیێ دا

رێزدار نێچیرڤان بارزانی سه‌رۆك وەزیرێن حكومه‌تا هه‌رێما كوردستانێ د سەرەدانەکێدا رۆژا پێنج شه‌مبی 13/6/2013 گەهشتە قەزا ئامێدیێ وب به‌رهه‌ڤبونا جه‌ماوه‌ره‌كێ زۆر و فریق فاروق بەرپرسێ لقا ١٨ ی پارتی دیموکراتی کوردستان،حسین خالد قایمقامێ قه‌زا ئامێدیێ و هه‌ژماره‌كا زۆرا رێڤه‌به‌ر و به‌رپرسێن حكومی ل به‌رده‌رگه‌یێ ئاڤاهیێ قامیقامیێ پێشوازی لێ هات کرن .

د سه‌ره‌دانا خوه‌ دا سه‌رۆكێ حكومه‌تا هەرەێما کەردستانێ ل گه‌ل رێڤه‌به‌رێن ناحیان و هه‌روه‌سا رێڤه‌به‌ر و به‌رپرسێن فه‌رمانگه‌هێن میری ل هولا كومبونان ل ئاڤاهیێ قایمقامیێ كومبوو و د كومبونێ دا پشتی خواندنا راپورتا قایمقامی سه‌رۆكێ حكومه‌تێ به‌حسێ ره‌وشا ده‌ڤه‌رێ بگشتی كر و هه‌روه‌سان باس ل وان كێماسیان هاته‌ كرن یێن ل ده‌ڤه‌رێ هه‌ین و ئاماژه‌ ب چه‌ندین پرۆژه‌یان هاته‌ دان كو ل به‌ره‌ د پاشه‌رۆژێ دا ل ده‌ڤه‌رێ بهێنه‌ چێكرن و دیسان ژلایێ رێڤه‌به‌ر و به‌رپرسێن میری ئاماژه‌ ب پرۆژه‌یان هاته‌ كرن یێن كو پێدڤی نه‌ ل ده‌ڤه‌رێ بهێنه‌ ڤه‌كرن كو دخزمه‌تا گشتی یا خه‌لكێ ده‌ڤه‌رێ دا بن.