هاشمی رەفسەنجانی: بەرپرسانی سوپا سەلاحیەتی منیان رەد كردەوە
تاران- KDP.info / بەرپرسی ئەنجوومەنی دەستنیشان كردنی بەرەژوەندییەكانی شۆڕشی ئێران هاشمی رەفسەنجانی رایگەیاند كە لە كاتی ناونووسی كردنیدا هیچ كێشەیەكی نەبووە و كەسیش باسی رەتكردنەوەی سەلاحیەتی نەكردووە.
لەمبارەیەوە بی بی سی فارسی بڵاویكردۆتەوە كە هاشمی رەفسەنجانی باسی ئەوەی كردووە كە سەرەتا لە كاتی ناونووسی كردنیدا و لە كاتی گفتوگۆی لە گەڵ كۆمیتەی پەیوەندیداردا هیچ كێشە و گرفتێكی نەبووە، بەڵام دواتر بە فەرمانی بەرپرسانی باڵای سەربازی ئێران سەلاحیەتی رەتكراوەتەوە.
ناوبراو ئاماژەی بەوە كردووە كە بە هۆی ناكۆكییە ناوخۆییەكانەوە بەرپرسانی سوپا و هێزە چەكدارەكان نەیانویستووە من بەشداری لە هەڵبژاردنەكان بكەم.
