كەركووك . . هێزەكانی ئاسایش ئەنجامدەرانی تەقینەوەكانی دوێنێی دەستگیركرد
كەركووك- تایبەت بە KDP.info/دوای ئەوەی شەوی رابردوو زنجیرەیەك كردەوەی تیرۆریستی لە شاری كەركووك ئەنجام درا، بەڕێوەبەرایەتی ئاسایشی كەركووك توانیان دوو ئۆتۆمبێلی بۆمبرێژكراو پوچەڵ بكەنەوە و لە چەند هەڵمەتێكیشدا لە شاری كەركووك ژمارەیەك تیرۆریستیان دەستگیر كرد و ئەمرۆش لە كۆنگرەیەكی رۆژنامەوانیدا لیوا جەمال تاهیر بەڕێوەبەری گشتی پۆلیسی كەركووك وردەكاری تەقینەوەكان دوێنی شارەكە ئاشكرا كرد و رایگەیاند كە دوای ئەوەی زنجیرەیەك تەقینەوە لە شاری كەركووك روویاندا؛ دەستبەجێ تیمەكانی ئاسایش و پۆلیس لێكۆلینەوەیان بۆ دەستگیركردنی ئەنجامدەرانی كردەوەكانیان دەستپێكرد. بەرێوەبەری گشتی پۆلیسی كەركووك رایگەیاند كە هێزەكانی ئاسایشی شارەكە توانیان لەو هەڵمەتەدا ئەنجامدەرانی كردەوە تیرۆریستییەكانی دوێنێی شارەكە كە شەش كەس بوون دەستگیربكەن.
