چاودێرێکی سیاسی: ھاتنی مالیکی بۆ کوردستان دەرگای گفتوگۆی لەنێوان ھەرێم وبەغدا کردەوە.
ھەولێر-تایبەت بەKDP.info/د.ساڵح مەلا عومەر عیسا چاودێری سیاسی وماموستای زانکۆ بەkdp.info راگەیاند: سەردانی نوری مالیکی بۆ ھەرێمی کوردستان بۆ ئەوکاتە دەگەرێتەوە کە نێچیرڤان بارزانی سەرۆکی حکوومەتی ھەرێمی کوردستان ماوەیەک پێش ئێستە سەردانی بەغدای کرد و توانی قەناعەت بەنوری مالیکی بێنێت سەردانی کوردستان بکات و لەگەڵ سەرۆکی ھەرێمی کوردستان کۆبێتەوە لەنزیکەوە باس لە چارەسەرکردنی کێشەکان بکەن .
د.ساڵح مەلا عومەر عیسا گوتیشی: خاڵی ئیجابی ئەو سەردانە ئەوەی کە دەرگای گفتوگۆ بۆ چارەسەرکردنی کێشەکان لەنێوان ھەرێمی کوردستان و بەغدا کرایەوە و سەرتایەکی گرنگە بۆ ئەوەی کێشەکان بەرێگای گفتوگۆ چارەسەر بکرێن.
عیسا رونیشیکردەوە، بەم سەردانە ھەموو کێشەکان چارەسەرنابن، بەڵام ئەوەمان پێدەلێ کە ئاسۆیەک ھەیە بۆ چارەسەرکردنی کێشەکان، نەک نێوان ھەرێمی کوردستان و بەغدا زیاتر ئالۆز ببێت.
رۆژی یەکشەممە نوری مالیکی سەرۆک وەزیرانی عێراق سەردانی کوردستانی کردو کۆبوونەوەی ئەنجوومەنی وەزیرانی لە ھەرێمی کوردستان سازکردو دواتر لەگەڵ سەرۆکی ھەریم وسەرۆکی حکوومەتی ھەرێمی کوردستان کۆبووە.
