ئەمڕۆ دوو کۆمپانیای فەرەنسی لەسەر پێدانی چەکی کیمیاوی بە رژێمی بەعس دادگای دەکرێن
ھەڵبجە-تایبەت بەKDP.info/ لوقمان عەبدولقادر سەرۆکی کۆمەڵەی قوربانیانی ھەڵبجەی شەھید بەkdp.infoراگەیاند: لەماوەی رابردوو گرێبەستێکیان لەگەڵ دەستەیەکی پارێزەرانی نێودەوڵەتی ئیمزارکردووە، بۆکۆکردنەوەی بەڵگە و دیکۆمێنت لەسەر ئەو کۆمپانیایانەی کە چەکی کیمیاویان داوەتە رژێمی بەعس.
لوقمان عەبدولقادر گوتیشی: ئەو پارێزەرانە ژمارەیەکی زۆری بەڵگەو دیکۆمێنتیان کۆکردۆتەوە کە بەدەیان کۆمپانیا دەستیان ھەبووە لە پێدانی چەکی کیمیاوی بە رژێمی بەعس.
عەبدولقادر راشیگەیاند: وەک قۆناغی یەکەم ئەمڕۆ دوو کۆمپانیای فەرەنسی کە چەکی کیمیاویان داوە بە رژێمی بەعس یەکەم دانیشتنی دادگایکردنیان بەڕێوە چوو.
ناوبراو ئاماژەی بەوەشکرد، بڕیار بوو خۆشم لەو دانیشتنە ئامادە بم ، بەڵام بەھۆی تێکچونی رەوشی تەندروستیم نەمتوانی ئامادەبم وشاندێکی کۆمەڵەی ئێمە بەشداری کردووە.
