سەرۆكی هەرێمی كوردستان سەرەخۆشی لە هاوسەرۆكی پارتی ئاشتی و دیموكراسی دەكات

بەناوی خودای مەزن و دلۆڤان

خوشكی بەڕێزم خاتوو گوڵتەن كشاناك هاوسەرۆكی پارتی ئاشتی و دیموكراسی

بەداخەوە هەواڵی كۆچی دوایی دایكی بەڕێزتانم پێگەییشت. بەم بۆنەیەوە پرسە و سەرەخۆشیم بە ئێوە و خانەوادە بەڕێزەكەتان ڕادەگەیێنم هیوادارم دوایین خەم و ناخۆشیتان بێت و خوای مەزن خوالێخۆشبوو بخاتە بەر دڵۆڤانیی خۆی و دڵنەواییش بە ئێوە ببەخشێت.

انا لله و انا الیە راجعون

مسعود بارزانی
سەرۆكی هەرێمی كوردستان
8ـی 6ـی 2013