22ملیار دینار بو بجهكرنا جاددێن دەڤەرا چەمانكێ هاتینە تەرخانكرن
ئامێدیێ- تایبەت بKDP.info/ ژبوی پتر خزمەتكرنا خەلكێ ناحیا چەمانكێ ئەوا سەر ب قەزا ئامێدیێ ڤە وخوشكرنا ژیارا خەلكێ دەڤەرێ وئاسانكرنا ریكێن وان بگوژمێ 22 ملیار دیناران بو بجهكرنا جادیێن سەرەكیێن ناحیا چەنامكێ لسەر بودجا حكومەتا ەرێما كوردستانێ هاتنە تەرخانكرن .
دڤێ دەربارێ دا رێڤەبەرێ ناحیا چەمانكێ هەڤال رەشید بو kdp.infoدیاركر،نها چه‌ندین پڕۆژه‌یێن گرنگ دبیاڤێ بجهكرنا رێكێن سه‌ره‌كی ل ناوچه‌یا چه‌مانكێ كار لسه‌ر دهێته‌كرن ژ وان ل ڕۆژێن ده‌ربازبووی ده‌ست ب زفتكرنا رێكا سپیندارێ تا سیارێ هاتییه‌كرن ب گوژمه‌یێ (8) ملیار دیناران وب درێژاهیا (8) كم و ئیرۆ دێ ده‌ست ب قێركرنێ هێته‌كرن ود هه‌یاما 20ڕۆژێن داهاتیدا دێ ب داوی هێت، رێكا سوواره‌توكا بۆ سپیندارێ نها كار لسه‌ر دهێته‌كرن ئه‌وژی (8) كم و ب گوژمه‌یێ (4) ملیار دینارا، دیسا بجهكرنا رێكا چه‌مانكێ و ده‌ڤه‌را نه‌هلێ ب گوژمه‌یێ (6) ملیار دینارا، دیسان ره‌زامه‌ندی هاتیه وه‌رگرتن لسه‌ر بجهكرنا رێكا نه‌هلێ هه‌ر ژگوندێ كه‌شكاڤا تا باكرمان ب گوژمه‌یێ (4) ملیار دیناران ل نێزیك كۆمپانی دێ ده‌ست ب بجهكرنا پڕۆژه‌ی كه‌ت.
دیسان نافبری ئەو یەك ژی دیاركر، پشتی ئه‌ڤ پڕۆژه ب داوی دهێن دێ ده‌رگه‌هێن ناوچه‌یا چه‌مانكێ ڤه‌بن بۆ گه‌شتیاران و دیسا دێ خه‌لكه‌ك گوندێن خوه ئاڤاكه‌ن و دێ هه‌ردوو ده‌ڤه‌رداریێن ئاكرێ وئامێدیێ پێكڤه هێنه‌گرێدان.
