كومسیونا سەربەخویا هەلبژارتنا لدهوكێ دگەل لایەنێن سیاسی كوم دبیت
دهوك- تایبەت ب KDP.info/ ژبوی خو ئامادەكرن بو هەلبژارتنێن سەروكاتیا هەریمێ وپەرلەمانێ كوردستانێ وێن پارێزگەهان ئوفیسا كومسیونا سەربەرخویا هەلبژارتنان لدهوكێ دگەل 10 ئالیێن سیاسی ێن پارێزگەها دهوكێ ئەوێن بەشداریێ دهەلبژارتنان دا دكەن جڤیا.
دڤێ دەربارێ دا بەیار دوسكێ بەرپرسێ ئوفیسا كومسیونا سەربەخویا هەلبژارتنان لدهوكێ دیاركر،ئەم دگەل 10 لایەنێن سیاسی ئەوێن بەشداریێ دهەلبژارتنا ن دا دكەن ل پارێزگەها دهوكێ كومبوون ومەرم ژڤێ كومبوونێ ئەو بوو مە داخاز ژ لایەنیێن سیاسی كر كو دهاریكاربن دگەل مە ژبوی هاندانا خەلكی كو قەستا بنگەهین دەنگدانێ بكەن ژبوی پشتراست بوونا ناڤێن دەنگدەرا .
دیسان ناڤبری ئەو یەك ژی دیار كر كو كودێ 15 ڤێ مەهی بنگەهێن دەنگدانێ ژبوی دەنگدەر ل ناڤێن خوە پشتراست بن هێنە ڤەكرن وئاشكەرا ژی كر،كو 42 بنگەهێن توماركرنا ناڤان ل پارێزگەها دهوكێ دێ هێنە ڤەكرن داكو خەلكێ پارێزگەها دهوكێ قەستا بنگەهێن توماركرنێ بكەن ژبوێ پشتراستبوونا ناڤێن خوە.
دیسان بەرپرسێ ئوفیسا كومسیونا سەربەرخویا هەلبژارتنان لدهوكێ دیاركر،ئەو كەسێن دكارن دەنگێ خوە بدەن لسنورێ پارێزگەها دهوكی دگەل دەڤەردارێن لسەر ڤە (615378 )هزار كەسن.
